Mkparawa
Nte Ami mmekeme Ndibuana Nwed Mormon?
Andiwet odung ke Washington, USA.
Ke ini akpa isua mi ke ufok nwed, seminary teacher mi ama odoho mbio class nnyin ete eno mme ufan emi midigi mbio ufok Abasi nnyin Nwed Mormon. Okposukedi nte Ami nkekopde ndik, Ami mma nyimme ndinam oro.
Ama ada mi ediwak usen nditim idem, edi ke akpatre, Ami mma nno ufan mi Britny Nwed Mormon oro kini udia uwemeyo nnyung nting ekpri iko ntiense ndian do. Britny ama okom mi ke ndino enye nwed oro.
Ke utit isua ufok nwed oro, Britny ama oworo okpong ufok nwed oro, edi nnyin ikesuk ikokop nkpo ibanga kiet eken. Enye ama eting ono mi abanga obufa ufoknwed esie nko nte kpukpru mme ufan esie edide mbio ufok Abasi nnyin, edi enye iketingke nkpo kabanga iko Abasi ye ami.
Oro ama okpuho mbemiso Ami nkedaha nka mission mi. Ami mma mbo etop nto Britny odohode ete ke imo imenyene akamba mbuk ino mi: ke imo iyom ndiduok mmong, ndien imo iyom ndikoom mi ke ndidi ufan esie ye ndidi eti uwutnkpo.
Abasi adada okop-obut eyeneren isua Efut emi ananade ifiok ukworo iko onyung anwam enye ndibuana gospel ye owo kiet emi Enye okofiokde ete ke eyenyime gospel oro. Ami nkediongo oro oto ke ndikpang utong nno Spirit, nnyin imekeme ndikut mme owo ke kpukpru ebiet emi ebetde ndibo ukpeb kabanga restored gospel emi. Ami mmodiongo nte edieke nnyin imende kpak owo kiet isok Jehovah, “didie ke idara [nnyin] edikpon ye enye [mme enye] ke obio ubong eke Ete[nnyin]!” (D&C 18:15).