2013
Edisana Ubiongutom eke Jesus Christ:: Ikpong-ikpong Eyen emi Ebonde
December 2013

Etop eke Visiting Teaching, Ofiong Duopeba ke isua 2013

Edisana Utom eke Jesus Christ: Ikpong-ikpong Eyen emi Ebonde

Bong akam kpeb nkpo emi ndien yom ndidiongo se ekpebuanade. Didie ke ndifiok uwem ye utom eke Andinyanga edinam mbuotidem okori ke Enye onyung odiong mbio owo emi mbufo esede enyin oto ke visiting teaching? Ke oyomde ndifiok awak, ka kereliefsociety.lds.org

Idiongo Nka Iban

Mbuotidem, Ufok – idung, Unwam

Ekoot Andinyanga Nnyin, Jesus Christ, Ikpong-ikpong Eyen emi Ebonde koro Enye edi nkukure owo ke isong emi eka ke ikpokidem amande ye Ete ke Spirit obonde. Enye okobo edisana odudu oto Abasi, Ete Esie. Oto ke Eka Esie, Mary, Enye okobo ikpokidem onyung ekeme ndikop biong, nsatitong, mmemidem, ubiak ye mkpa.1

Koro Jesus Christ edi Ikpong-ikpong Eyen eke Ete obonde, Enye ama ekeme ndiyak uwem Esie ndien afiak obo uwem esie nko. Nwed Abasi ekpeb ete “oto ke uwa usio isop eke Christ” nnyin “inyene ediset ke mkpa” Jacob 4:11. Nnyin imefiak ikpeb ete ke kpukpru owo “ekeme ndidemere ke mikpaha kanga eduk ke nsinsi uwem” edieke nnyin “inimde ke akpaniko” DxC 29:43

Nte nnyin ifiokde oyoho-oyoho se oworo ke Jeus ndidi Ikpong-ikpong Eyen eke Ete Obonde, mbuotidem nnyin ke Christ eyekori. Elder D. Todd Christofferson eke Eboho mme Mbet Duopeba okodoho ete “Mbuotidem ke Jesus Christ edi akpaniko ye nsongonda eke (1) Ndaha Esie nte Ikpong-ikpong Eyen eke Abasi Obonde, (2) Anana adanga Uwa Usio Isop Esie, ye (3) Ediset mkpa Esie.2 Mme Prophet eyo emi ema etie ntiense ete [Jesus Christ] ekedi… Ikpong-ikpong Eyen eke Ebonde ke obukidem, Andifak ererimbot.”3

Emi oto ke mme Nwed Abasi

John 3:16; Doctrine ye Covenants 20:21–24; Moses 5:6–9

Emi oto Mbuk Eset Nnyin

Ke Obufa Testament nnyin imokoot ibanga mme iban, mbio ekesiakde enying ye mbio eke misiakke enying, emi ekenyenede mbuotidem ke Jesus Chrsi, ebo enyung enam ukpebnkpo Esie, ndien eting iko ntiense ebang utom, utibe nkpo ye utenge Esie. Mme iban emi ekabare edi mme mbet ye akpan ntiense ke utom erinyanga ukpong.

Nte uwutnkpo, Martha ama eting okposong iko ntiense abanga edisana ndaha Andinyanga kini Martha odohode Enye ete, Ami mmonim nte Afo edi Christ, Eyen Abasi, kpa Enye emi odukde edi ke ererimbot” (John 11:27).

Ubak ke mme akpa ntiense kabanga edisana ndaha Andinyanga ekedi eka Esie, Mary, ye Elisabeth; cousin esie. Ikebighike kini angel Gabriel ama ekedise Mary okure, Mary ama ekese Elisabeth. Ke idaha oro nte Elisabeth okopde ekom Mary, enye “okoyoho ye Edisana Spirit” (Luke 1:41) onyung eting iko ntiense ete ke Mary eyedi eka ono Eyen Abasi.

© 2013 otodeIntellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13. Edikabere eke Visiting Teaching Message, December 2013. Efik. 10672 553

Nkpri Nwed

  1. Gospel Principles (2009), 52– 53.

  2. D. Todd Christofferson, “Ndibop Mbuotidem ke Chrsit,” Liahona, Sept, 2012,13

  3. ”Odu-uwem Christ: Iko Ntiense eke mme Mbet,” Liahona, Apr. 2000, 2–3.

Nso ke Ami Mkpenam?

  1. Nso idi ufon ono mi ndifiok mme ubiong utom eke Jesus Christ?

  2. Didie ke mbuotidem nnyin edikori kini nnyin inimde mme ediomo nnyin?