Etop eke First Presidency, eke Ofiong Duopeba, isua 2013
Ufok Idung ye mme Ufan ke Nsinsi
Ebiet ekededi emi mbufo edungde, mbufo emenyene mme ufan emi edungode eyom akamba inemesit emi mbufo ekutde eto ke ndinam item eke mfiak ndi gospel eke Jesus Christ. Ekeme ndidi mmo idikemeke nditing oruk inemesit ke iko, edi mmo ekeme ndidiongo kini mmo ekutde oro ke uwem mbufo. M mo eyeyom ndikpeb usung oruk inemesit oro, akpan akpan kini mmo ekutde nte mbufo eyode mmi idomo ukem nte mmo esinamde.
Mbufo emekop inemesit kini mbufo ekenimde mme mbet Abasi. Oro edi mfri se ekenwongo kabanga ndinam iko Abasi (kese Mosiah 2:41). Mbufo itimke inim mme mbet Jehovah man otodo mbio efen edikut, edi Jehovah ebenge mbio eke esede inemesit mbufo idem ndikop eti mbufo eke Edifiak Ndi iko Abasi emi.
Mme edidiong emi ekenode mbufo ama asiak mme iso utom ye nti ufang ono mbufo. Nte mbet eke Jesus Christ ke ediomio, iso utom mbufo edi nditat ufang nno mbio efen man ekut akamba inemesit, akpan-akpan ono mme ufan ye mbio ufok idung mbufo.
Jehovah ama okut ufang ndien ekemen iso utom mbufo owut ke item emi: “Ke ntre owo eke ama okobo ntot emi enyene nditot mboho idung esie” (D&C 88:81).
Jehovah ama anam mbet oro emem ndinim oto ke edikpuho emi esidude ke esit mbufo kini mbufo enyimede enyung enam gospel eke Jesus Christ. Nte iboro, ima mbufo kabanga mbio efen eyekori, ukem nte udong eke mbufo enyenede eno ndinyene ukemukem inemesit emi mbufo ekenyenede.
Uwutnkpo kiet ke edikpuho oro edi usung nte mbufo esinyimede ufang ke ndinwam ke utom ukworo iko Abasi. Mme full-time missionaries edidiongo se mmo ekpeyom eto ata owo andikabare esit edi inem iboro kabanga ebenge ndino mmo referral kiet. Andikabare esit emi ediyom mme ufan ye mbio ufokidung man abuana ke inemesit mmo.
Kini ward mission leader y mme missionaries mbufo ebupde eyom mme enyin owo ndikpeb nkpo, oro edi akwa ufang ono mbufo. Mmo ediongo ete ke mme ufan ema ekut inemesit mbufo ndien, ke ntre, ema ebenge mme ufan oro enim ndikop nnyung mmek ndibo iko Abasi. Ndien mmo enyene mbuotidem ete ke mbufo eyedi oruk ufan eke mmimo idiyomde kini mmo edukde edi ufok Abasi.
Mbufo ekunyene ndik ete mme eyenana mme ufan ke ndikoot mme missionaries man osobo ye mmo. Ami mmenyene mme ufan emi mikenyimeke missionaries edi mmo ema ekom mi ke ediwak usua ke ami ndino mmo nkpo emi mmo ekefiokde ete kedi osongurua nkpo ono mi. Mbufo emekeme ndinam ufan ke nsinsi ke ndino gospel, emi mmo ekutde ete ke ono mbufo inemesi. Ekuyak eti ifet ebe mbufo ke ndikoot ufan mbufo kiet nko akpan-akpan owo ufokidung man emek nditiene uduak inemesit emi.
Akamba eti ifet efen iduhe kabanga ikoot oro akan ke mme temples eke ufok Abasi. Do Jehovah ekeme ndino mme edinam erinyanga ukpong ono mme ete-ete ye eka-eka nnyin emi mmo mikekemeke ndibo ke ini uwem mmo. Mmo esuhore enyin ese mbufo ke ima ye idorenyin. Jehovah ama onwongo ete ke mmo eyenyene eti ifet ndiduk ke obio ubong Esie (kese D&C 137:7–8), ndien Enye ama oto ima kabanga mmo ke esit mbufo.
Ediwak mbufo emedara ke ndinam mme edinam eke temple nno mbio efen, ukem nte mbufo esikopde kini enode mme enying owo man missionaries ekesobo ye mmo. Mbufo emekop ata akamba idara ke ndinam mme edinam eke temple nno mme ete-ete ye eka-eka mbufo. Ekeyara ono Prophet Joseph Smith ete ke nnyin idinyene inemesit ke nsinsi edieke nnyin idinode usung edidiong emi esim mme ete-ete ye eka-eka nnyin oto ke ndida-nno edinam eke temple (keseD&C 128:18).
Ini usoro emana Christ esiwongode esit nnyin ono Andinyanga ye idara emi gospel esie adade osok nnyin. Nnyin imesiwut ekom nnyin ino Enye ofon ke nnyin ndino mbio efen inemesit oro. Esit okom edikabare idara nte nnyin inode mme missionaries enying ye nte nnyin idade enying mme ete-ete ye eka-eka nnyin ika temple. Oruk idiongo ekom nnyin oro ekeme ndinam mme ufan ye ufokidung emi ekemede ndidu ke nsinsi.
© 2013 by Intellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13 edikabare eke First Presidency Message, December 2013. Efik. 10672 553
Ukpeb nkpo eketode Etop Emi
President Eyring anam anwanga ete ke nnyin imekeme ndiwut ekom eke inyenede ino Andiyanga ke ndibuana iko Abasi ye mbio efen. Mbufo emekeme ndineme ye mbio emi mbufo ekpebde danga eno eke gospel okodiong uwem mmo. Kere banga ndidoho mmo ete ebong akam emek mbio owo emi mmo eyomde ndibuana eno eke gospel ye usung nte mmo edinamde oro.