Fal’ Yangren
Rayog Ningu Pii’ fare Babyor ku Mormon?
Fare tayoloey ba paer u Washington, USA.
Nap’an e bin somm’on e duw rog u high school, e sensei ko seminary ke pinning fare class ningu pii’ fare Babyor ku Mormon ngak e fagar rok ni daworiy chongin. Kug tatamra’ nib gel, machane Kug thapeg fare pinning.
Ke yaen boech erran mug fi’leg gel bugwaeg, machchane Kug pii’ fare babyor ngak e fagar rok Britny nap’an abich mug gog e michaen’ug ngak. Britny ke pinning e magaer ko fare babyor.
Nap’an ke mu’ school, Britny ke yaen, machane kug sabathingow. Ke weliy’ marunga’gen be’ech e school rok ma urrogon urngin e fagar e ba chongin fare Galasia, machane dar noned ngak marunga’gen e tin ya’el ngog.
Aram ke thilyeg ou’moon Kug waen nga mission rog. Kug thapeg e milwol ku Briny ni be yoeg e tin ga’fan ngog: irra fini tawfe, make pinning e magaer ngog ni kug mang e fagar rok mug dag e rogon nib fel’.
Got ke pinning e pagael ni 15 e duw rok ni daworiy mang e missionary me pii’ ir ninge weliy’ fare gospel nga reb ni Irma nang ra thapeg. Gumanang ni udakaen e motoyil ngak fare Ya’el, rayog ningad piry’eged bo’or e gidii’ nima soen ningar fil fare gospel kan fulweg. Gumanang ni fa’an ngad pinning ta’areb e bee’ ngak en Somoe, ra mang gel e faflaen’ u gil’lungun e Chitamangdad! (D&C 6:23).