Mulwol ni Ngan Fil ni Ngan Nang, December 2013

Fare Muruwel Ku Tharmiy rok Yesus Kristus: Ma’agirag ko en Chitamangiy.

Mmeybil nge biy’eg fapi babyor mu piry’eg e tin ngam mog. Urrogon e nang fan ko fare yafas nge muruwel ko en Tathapeg ra nomoenog e michaen’um Ngak m taw’athnag e gidii’ gaba visit teach? Ra tin ni ga ba adag ni ngam nang, man ko reliefsociety.lds.org.

Chiyliy ko Relief Society

Mich, Tabinaew, Ayuw

Aray yungi rogon ko Visiting Teaching Milwol nira dag bo’or e rogon ko fare muruwel ku en Tathapeg.

En Tathapegdad, Yesus Kristus, ni kanoeg fare Ma’agirag ko en Chitamangiy bachane I’ir yigo’ bee’ u fayleng ni kan gargelen ko e nina’ ku fayleng nge e Chitamangin ku tharmiy. Ke thapeg e gelngin ku Got, Chitamangin. Ko e Chitanangin, Mary, Ke thapeg e mortality nge rayog ninge bilig, owel, chuwchuw, miith, nge yim’.¹

Bachane Yesus Kristus i’ir Ma’agirag ko en Chitamangiy, rayog ni Nge pag e yafas Rok me fek bayay. Fapi babyor nib thothup ba fil ni “u dakean e bayul rok’ Kristus,” gadad ra “yog e foskoyam’ ngomed” (Jacob 4:11). Ma gadadra fil ni urngin ra feked e yafas ni dani tungun nga manemus fa’an ngad michaen’dad (D&C 29:43).

Nap’an ngad nang fan nib polo’ mange bay yip fan ni Yesus i’ir e Ma’agirag ko en Chitamangiy, e michaen’dad ngak Kristus ra mang gaa’. Elder D. Todd Christofferson ko fare Ulungi Ragag nge La’agruwi Apostle ke yoeg, “Mich ngak Yesus Kristus i’ir e nang fan nge athap ni (1) E rayog Rok ni ir en Ma’agirag ko en Chitamangiy, (2) E bayul nib manemus Rok, nge (3) e Fas ko Yam’ Rok.” Fapi profet ko tiney e rran kar oeged: “[Yesus Kristus] i’ir … Ma’agirag ko en Chitamangiy u ufin, nge en Tabayul ko fayleng.”³

Keb ko pi Chep nib Thothup

John 3:16; Doctrine and Covenants 20:21–24; Moses 5:6–9

Cheppin Rodad

Ulane fare Bin Be’ech e M’ag gadadba biy’eg marunga’gen e ppin, bay fithinganraed ma danga’, ma kar ngongoliyed e mich ngak Yesus Kristus, mar filed mar folgaed e machib Rok, mar pii’ed m’ag maruna’gen e machib Rok, ma’ang’ang, nge gel bugwaen. Fapi ppin kar manged rogon gachalen fel ma m’ag nib gaa’fan ko e muruwel ko thapeg.

Sasun, Martha ke pii’ e m’ag nib gel marunga’gen fare rogon ku tharmiy rok en Tathapeg nap’en ke yoeg Ngak, “Ya michuwun’nug i gur en Kristus, en Fak Got, nira yib nga fayleng” (John 11:27).

Boech e bin somm’on e m’ag ko fare rogon tharmiy rok en Tathapeg i’ir e Chitanangin, Mary, nge cousin rok Elisabeth. Me yibi buch e angel Gabriel ke yaen nga Mary, ke yaen nga Elisabeth. Nap’an Elisabeth ke rung’ag Mary, ke “sug ko fare Kan Thothup: (Luke 1:41) ma ke pii’ e mich ngak Mary ni irra mang e chitanangin en Fak ku Got.

© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko Visiting Teaching Message, December 2013. Yapese. 10672 905

Notes

1. Mu guy Gospel Principles (2009), 52–53.

2. D. Todd Christofferson, “Building Faith in Christ,” Liahona, Sept. 2012, 13.

3. “The Living Christ: The Testimony of the Apostles,” Liahona, Apr. 2000, 2–3.

Mange Rayog Nggu Rin?

1. Mang fan nib ga’fan ningu nang fan e muruwel ku Yesus Kristus?

2. Urogon e michaen’dad ra nogmog nap’an ngad folgaed michmich rodad?