Bin Somm’on e Mulwol ko Presidency, December 2013
Fagar nge Tabinaew ko Manemus
U demturug e gi ngam paer riy’, bay e fagar rom nima piry’eg ko e faflaen’ nib ga’ ni kam piry’eg udakaen e fol ko fare gospel ni kan fulweg ku Yesus Kristus. Sana dabiyog ningar weliy’ed e faflaen’, machane rayog ningar nanged nap’an ngar guyed u yafas rom. Yaedba’adag ningar fil e gin’en ko re faflaen’ nem, arragon nap’an ngar guyed e sikeng rom.
Kam thamiy e faflaen’ nap’an kam fol fapi motochiyel ku Got. Aray e wompngin kan micheg ko e fas ko gospel (mu guy Mosiah 2:41). Dam fol nib michaen’ e motochiyel ku en Somoel ninge guy reb e gidii’ rom, machane e gidii’ nira guyed e faflaen’ rom e ba taermedliyraed ko Somoel ningar runga’ged e milwol nib fel’ ko fare Fulweg ko Gospel.
Fapi taw’ath kan pii’ ngom e kan ning e chilen ma bing e wo’en nib ma’ang’ang ngom. Kam mang gachalpen ku Yesus Kristus, kan ning chilen ngom ningam pii’ nga reb e wo’en ninge piry’eg e falflaen’ nib ga’, arragon e tabinaew nge chongin e tabinaew rom.
En Somoel ke guy e rogom make weliy’ e chilen rom ko biney e motochiyel, nib t’uf ko urngin e pi’in ninge oeg koel chiya’ ngak e yoror rok. (D&C 88:81).
En Somoel ba tay e mo’em ko re motochieyl ningma fol udakaen e thilyeg nira buch u gum’racha’em nap’an kam thapeg mu fol fare gospel rok Yesus Kristus. Me yibi buch, e t’ufeg rom ngak reb ra ga’nag, ningar thamiyed e faflaen’um.
Sasun ko re thilyeg nem ni urrogon ningam thapeg e muruwel ningam ayuweg e muruwel rok Somoel ko missionary. fapi full-time missionary fini fil rayog nignar thapeged e fulweg nib fel’ ko e ning e referral. Fare convert ba’adag e fagar nge chongin tabinaew ninge pii’ e faflaen ngak.
Nap’an e ward mission leader fa fapi missionary ra fith ko fithingan e gidii’ ningar machibnoged ngak, ba pinning e liyoer ngom. Yaedma nang ni e fagar rom kar guyed e falflaen’um nge, aram fan, gali fagar nem e kan taermedliyraed ningar runga’ged mar thapeged fare gospel. Mar tayed gel bugwaem ningam mang fagar nib t’uf ngoraed nap’an yaedra uned fare gil’lungun.
Dam rus ni gara n’ag e fagar udakaen e pinning fapi missionary ngak. Bay e fagar rog ni kar oeged danga’ ngak e missionary machane kar pinninged magaer ngog nap’an boech e duw ni kug pii’ e ban’en ngoraed nib ga’fan ngog. Rayog ningam fi’leg e fagar ko manemus udakaen e pii’ ko gospel, ni yaedba guyed e faflaen’ ke pii’ ngom. Dam soen ningam pinning e fagar nge chongin e tabinaew rom ninge me’leg fare kanawo’ ko faflaen’.
Dariy’ reb e rogon nib gaa’ ko e pinning ko fapi temple ko fare Galasia. Aram en Somoel ke pii’ fapi gam’ing ko thapeg gidii’ rodad ni daworiy’ thapeg u yafas. Yaedma sapgad ngodad ufithik e t’ufeg nge athap. En Somoel ke micheg ni ngar thapeged e wo’en ningar baed nga gil’lungun Rok (mu guyD&C 137:7–8), ma Ke tay e t’ufeg ngoraed u gum’racha’em.
Bo’or i med kam thamiy e faflaen’ nap’an e gam’ing ko temple ni fan reb, woed rogon nap’an kam pii’ fithingan e gidii’ ninge mada’nog e missionary. Kam thamiy e faflaen’ nib ga’ nap’an kam ngongoliy e gam’ing ni fan e gidii’ rom. Kan dag ngak fare Profet Joseph smith ni e faflaen’dad ko manemus ra yaen i chey ningad pii’ e wo’en ko fapi taw’ath ngak e giddi’ rodad udakaen reb e gam’ing ko temple (mu guy D&C 128:18).
Ngiyal’ ko Christmas ba chel e gum’racha’dad nga Tathapeg nge fare faflaen’ e gospel Rok ma pii’ ngodad. Gadadba dag e magaer Ngak nib fel’ rogon nap’an gadadba pii’ fare faflaen’ nem ngak reb. Magaer ra mang e faflaen’ nap’an ngad pii’ed e fithingan ngak fapi missionary ma nap’an ngad fek e fithingan ko gidii’ rodad nga temple. E pow ko e magaer rodad ra fi’leg e fagar nge tabinaew nira thamgil ko manemus.
© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko First Presidency Message, December 2013. Yapese. 10672 905
Rogon ni ngan Fil ko Biney e Mulwol
President Eyring ke weliy’ ni rayog ningad dag e magaer ngak en Tathapeg udakaen e pii’ fare gospel nga reb. Ram sabathingaed ngak e gidii’ mu machib ngak urrogon fare taw’ath ko fare gospel ke taw’athnog e yafas roraed. Mlemnog ningam pinningraed ningar yip e gidii’ ningar noned ngak mar pii’ed fare taw’ath ko fare gospel ma urrogon ningar rinn’ed.