2013
Yexus Khetos lub Luag Hauj Lwm Los Saum Ntuj Los: Tib Leeg Tub
December 2013

Cov Mus Saib Xyuas tom Tsev tsab Xov, Kaum Ob Hlis Ntuj 2013

Yexus Khetos lub Luag Hauj Lwm Los Saum Ntuj Los: Tib Leeg Tub

Ua tib zoo thov Vajtswv kawm tej yam no thiab nug seb koj yuav tsum qhia dab tsi. Qhov uas koj to taub tus Cawm Seej lub neej thiab lub luag hauj lwm yuav ua rau koj txoj kev ntseeg Nws loj hlob tuaj li cas thiab foom koob hmoov rau cov uas koj saib xyuas tom tsev? Kom tau ntaub ntawv xov xwm ntxiv, cia li txuas rau reliefsociety.lds.org.

Daim Duab
lub cim rau lub Koom Haum Niam Tsev

Kev Ntseeg, Tsev Neeg, Kev Pab

Peb tus Cawm Seej, Yexus Khetos, hu ua Tib Leeg Tub vim Nws yog tib tug neeg nyob rau hauv lub ntiaj teb uas yug los ntawm ib leej niam uas txawj tuag thiab ib Leej Txiv uas tsis txawj tuag. Nws tau txais tej hwj chim los ntawm Vajtswv, Nws Leej Txiv. Los ntawm Nws niam, Maiv Liag, Nws txawj tuag thiab txawj muaj kev tshaib kev nqhis thiab kev mob kev nkeeg.1

Vim Yexus Khetos yog Leej Txiv Tib Leeg Tub, Nws txawj tso nws txoj sia tseg thiab tau txoj sia ntawd rov qab los. Cov vaj lug kub qhia tias “los ntawm Khetos txoj kev theej txhoj” peb “yuav tau txais ib txoj kev sawv rov los” (Yakhauj 4:11). Peb kuj kawm hais tias “yuav muab [txhua tus] tsa los ntawm txoj kev tsis txawj tuag mus rau txoj sia nyob mus ib txhis” yog peb “yuav ntseeg” (Q&K 29:43).

Thaum peb to taub zoo dua hais tias qhov uas Yexus yog Leej Txiv Tib Leeg Tub txhais li cas, ces peb txoj kev ntseeg Khetos yuav loj hlob tuaj. Txwj Laug D. Todd Christofferson los ntawm Pawg Kaum Ob tug Thwj Tim hais tias, “Kev ntseeg Yexus Khetos yog kev ntseeg thiab paub tseeb txog (1) qhov uas Nws yog Vajtswv Tib Leeg Tub, (2) Nws txoj Kev Theej Txhoj uas nyob mus ib txhis, thiab (3) Nws txoj Kev Sawv Rov Los.”2 Cov yaj saub niaj hnub no tau ua tim khawv hais tias: “[Yexus Khetos] yog … Vajtswv Tib Leeg Tub ntawm sab cev nqaij daim tawv, neeg ntiaj teb tus Txhiv Dim.”3

Los ntawm cov Vaj Lug Kub

Yauhas 3:16; Lus Qhuab Qhia thiab Kev Khi Lus 20:21–24; Mauxes 5:6–9

Los ntawm Peb zaj Keeb Kwm

Nyob hauv Phau Tshiab peb nyeem txog cov poj niam, ib txhia peb paub lawv npe es ib txhia peb tsis paub, es lawv ntseeg Yexus Khetos, kawm thiab ua raws li Nws tej lus qhia, thiab ua tim khawv txog Nws txoj kev qhuab qhia, tej txuj ci tseem ceeb, thiab yeeb koob. Cov poj niam no yog cov thwj tim zoo thiab cov uas ua pov thawj txog Nws lub luag hauj lwm cawm seej uas tseem ceeb.

Piv xam hais tias, Mathas ua tim khawv txog qhov uas tus Cawm Seej los saum ntuj los thaum nws hais rau Yexus hais tias, “Kuv ntseeg hais tias koj yog tus Khetos, Vajtswv Leej Tub, uas yuav los rau hauv lub ntiaj teb no” (Yauhas 11:27).

Tej tug uas ua tim khawv txog qhov uas tus Cawm Seej los saum ntuj los ua ntej Nws yug los yog Nws niam, Maiv Liag, thiab nws tus txheeb ze, Elixanpes. Tsis ntev tom qab tus tim tswv Khali-ees los xyuas Maiv Liag, Maiv Liag mus xyuas Elixanpes. Tom qab kiag Elixanpes hnov Maiv Liag hais lus, nws thiaj li “muaj tus Vaj Ntsuj Plig Dawb Huv puv npo” (Lukas 1:41) thiab ua tim khawv tias Maiv Liag yog leej niam rau Vajtswv Leej Tub.

© 2013 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus As Kiv: 6/13. Pub txhais ua lus Hmoob: 6/13. Kev txhais lus Visiting Teaching Message, December 2013. Hmong. 10672 295

Lus Cim

  1. Saib Txoj Moo Zoo tej Ntsiab Cai (2009), 52–53.

  2. D. Todd Christofferson, “Building Faith in Christ,” Liahona, Cuaj Hli Ntuj 2012, 13.

  3. “The Living Christ: The Testimony of the Apostles,” Liahona, Plaub Hlis Ntuj 2000, 2–3.

Kuv Yuav Pab Li Cas?

  1. Vim li cas thiaj tseem ceeb kom kuv yuav tsum to taub Yexus Khetos tej hauj lwm?

  2. Peb txoj kev ntseeg yuav loj hlob tuaj li cas thaum peb ua raws li peb tej kev khi lus?

Luam