Me Pwulopwul Kan

Wiahla Omw Keieu Mwahu—Tepida Met

President Uchtdorf padahngki me “pein atail koasoandi kan en doadoahklahng kak kairada me keieu mwahu loalatail.” Medewe en wiahda koasoandi kan en doadoahklahng nan pali riau de siluh en omw mour, me rasehng roson en paliwar, roson en pali ngehn, oh kompoakapahmw kan, ni karasaras. Soangen pweida dah me komw kupwuriki en ahniki nan pali pwukat nan pahr wet? Ni omw pahn kapakapiki oh medemedewe ekei koasoandi kan en doadoahklahng, nsenohki me ren wia mehkot me kak pweida ahpw me re pahn pil elehieng komwi en keirkihda. Nan noumw pwuken rekohd, ntingihdi ahmw koasoandi kan en doadoahklahng ni oaritik pwe komwi en kak kilang wasahkan me komw keirda mwurin sounpar ehu.