2014
Misin Sarawi en Sises Krais: Mehn Kahlemeng
January 2014

Iren Mahsen en Padahk en Pas, Senweri 2014

Misin Sarawi en Sises Krais: Mehn Kahlemeng

Onopiki ni kapakap iren mahsen wet oh rapahki en wehwehki dahme komw konehng ehukihieng mehteikan. Ia duwen wewehki mour oh misin en Sounkomouro eh kak kalaudehla omw pwoson Ih oh kapaiada irail akan me komw kin apwalih sang ni padahk en pas? Pwehn alehdi iren kapehse kapatapat, tehk reliefsociety.lds.org.

Pwoson, Peneinei, Sawas

Ni atail pahn wehwehki me Sises Krais iei atail mehn kahlemeng ni soahng koaros, kitail kak kalaudehla atail ineng en idawehn Ih. Pwuhk sarawi kan audaudiki kangoang pwe kitail en idawehn Krais. Ong mehn Nephi kan, Krais mahsanih, “pwe kumwail en pil wiahda doahngkan me kumwail kilang I wiahier” (3 Nephi 27:21). Ong Thomas, Sises mahsanih, “Ngehi me ahl, ngehi me mehlel, ngehi me mour; sohte me kak kolahng Semei ma soh ngehi.” (Sohn 14:6).

Rahnwet atail kaun kan katamankin kitail en kihda Sounkomouro en wia atail mehn kahlemeng. Linda K. Burton, president lap en Pwihn en Sawas en Lih, mahsanih, “Ansou me emenemen kitail ahniki padahk en Tomwo ntingdi loal nan mohngiongitail, ih ansouo me kitail pahn tepida wiahla soangen aramas me Kauno kupwurki kitail en wia.”1

President Thomas S. Monson mahsanihier, “Atail Kaun oh Sounkomour, Sises Krais, iei atail Mehn Kahlemeng oh atail kehlail.”2

Kitail koasoanehdi en karanihkitailong Sises Krais, en peikiong Sapwellime kosonned akan, oh en nantihong en pwuralahng Samatail Nanleng.

Sang Pwuhk Sarawi Kan

2 Nephi 31:16; Alma 17:11; 3 Nephi 27:27; Moroni 7:48

Sang Atail Poadoapoad

“E ketin kasalehda ahlo oh tiengla mwohtail,” Eliza R. Snow ntingih, president lap keriau nan Pwihn en Sawas en Lih, duwen me pid mehn kalohk en Sises Krais ni ah ket pohn sampah.3 E ketin kalohk ong aramas—wad emen. E ketin padahngki me kitail konehng mweselsang meh duwehk duwemeno pwehn doarehla emen me pwupwila (tehk Luk 15:3–7). E ketin kamwahuihala oh padahkih aramas kan, e pil kihieng emenemen aramas eh ansou nanwerengen pokon lap en aramas 2,500 (tehk 3 Nephi 11:13–15; 17:25).

Me pid lih akan en Souleng en Imwin Rahn Akan, President Dieter F. Uchtdorf, Sounsawas Keriau nan Presidensi Keieu, mahsanih: “Kumwail lih kaselel kan kin kihda papah kadek ong mehteikan pwehki kahrepe kan me wiliandi inangih pein kapaipamwail. Nan met kumwail kin alasang Sounkomouro. … Ah madamadau kan ansou koaros pid duwen sewese mehteikan.”4

© 2014 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/13. Kamanaman ong kawehwe: 6/13. Kawehwehpen Visiting Teaching Message, January 2014. Pohnpeian. 10861 885

Iren sawas akan

  1. Linda K. Burton, “Is Faith in the Atonement of Jesus Christ Written in Our Hearts?” Ensign de Liahona, Nohpempe 2012, 114.

  2. Thomas S. Monson, “Meeting Life’s Challenges,” Ensign, Nohpempe 1993, 71.

  3. “How Great the Wisdom and the Love,” Hymns, nempe 195.

  4. Dieter F. Uchtdorf, “Happiness, Your Heritage,” Ensign de Liahona, Nohpempe 2008, 120.

Dahme I Kak Wia?

  1. Pwehda oh ia duwe me Sises Krais wia ei mehn kahlemeng?

  2. Ia duwen kalohk ong riatail lih akan me I kin pwarek eh kin seweseie idawehn Sounkomouro?