Feia apî

Ia riro outou mai to outou iho huru maita‘i a‘e—haamata i teie nei

Ua haapii te peresideni Uchtdorf e « e nehenehe i te mau opuaraa a te taata iho e faaite mai i te huru maitai a‘e i roto ia tatou » A feruri i te haamau i te tahi mau opuaraa i roto e piti e aore râ e toru tuhaa o to outou oraraa, mai te ea i te pae tino, te ea i te pae varua e te mau auhoaraa, ei hi‘oraa. Eaha te mau manuïaraa o ta outou e hinaaro e farii i roto i teie mau tuhaa i teie matahiti ? A feruri ai outou ma te pure no te tahi mau opuaraa, ia papû maita‘i ia outou e taeʻahia te reira, tera râ e titauhia ia outou ia tupu rahi mai. I roto i ta outou buka aamu, a faataataa maita‘i i ta outou mau opuaraa, ia nehenehe ia outou ia ite i to outou haereraa i mua ia oti hoê matahiti.