Mwet Fuhsr
Suhmuhr in Kuhlwacnsap
Mwet sihm se muhta fin acn Virginia, USA.
Sie suhmuhr ah nga muhta ke sie acn sac orekma yurin tuhlihk srihsrihk ma yohk enenuh la. Ke nga tuhfahna ohsun nuh sin tuhlihk ah, nga tuhfalwack na pwacye. Nga nihkihn kahs laltahl ah, tuhsruhk nga luhlahlfongi lah Nguhn lac fah kolyuc ke sramsram luhk nuh seltahl uh. Ke nga etwaclah kais sie seltahl ah, nga akihlwacnwack lah sramsram uh tiac pa mahsrol in luhngse se. Nga sritacl, isracsr, ac orek tuhfahlfahl wi tuhlihk uh ac tiac kuh in kutong luhngse wowo nuh seltahl uh. Nga liyacack kuhtuh srihk luhngse ma oasr yurin Pahpah Lucng nuh sin tuhlihk Nahtuhl uh, ac engan ma nwacklah insiyuck upac in ahkuhtweyac.
Pacl nuh kwewa nga kuhlwacnsapuh mwet sahyac uh, nga puhla luhngse tiac muhkwena nuh sin mwet nga kuhlwacnsapuh uh tuhsruhk oacyacpac nuh sin Pahpah Lucng. Nga etwaclah na pwacye lah ke kuht oruh kuhlwacnsap nuh sin mwet sahyac uh kuht oruh na pwacye kuhlwacnsap nuh sin God (liye Mosiah 2:17). Srihpac luhn kuhlwacnsap luhk uh, finne ke kuhlwacnsap ke orekma upac kuh ke mukwikwi in kuhlwacng srihsrihk, pa in ahkenganye God (liye Mattu 5:16). Nga finsrak tuh ke nga kuhlwacnsapuh mwet sahyac uh, mwet uh fah akihlen luhngse luhk nuh sin Pahpah Lucng ac Kahlwem luhn Kraist ma tolyucyak uh.