2014
Misin Muhtahl luhn Jisus Kraist: Mwet Liyacacng Sip Wowo
February 2014

Pweng ke Forfor Luti, Fepweri 2014

Misin Muhtahl luhn Jisus Kraist: Mwet Liyacacng Sip Wowo

Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lowos Kacl ac ahkinsewowoye mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Jisus Kraist, Mwet Liyacacng Sip Wowo, El luti:

“Kain mwet fuhkah kowos an, nahtuh sip siofok, fin tuhlac soko selos, kowos ac tiac fihliyac ma yucngucul yuc ah yen mwesis, ac som suk ma soko ma tuhlac ah, ne ke kowos sokwack? …

“Nga fahk nuh suwos, lah … oasr engan luhlahp inkuhsrao ke sie mwet koluk suc auliyak” (Luke 15:4, 7).

Ke kuht etwaclah lah Jisus Kraist pa Mwet Liyacacng Sip Wowo se uh, kena lasr ac yohkwelihk in ukwe mwe srihkasrak Lal ac kuhlwacnsapuh mwet suc enenuh. Jisus El fahk: “Nga mwet shepherd wo, ac nga etuh ma nuhtihk, ac ma nuhtihk etweyuc. … Ac nga engan in sang moul luhk ke sheep nuhtihk” (John 10:14–15). Ke srihpen Iwaclah luhn Kraist, wacngihn sesr fah tuhlac na pwacye lah kuht tiac kuh in sokwack inkacnek lasr in fohlohk (liye Luk 15).

Prestuhn Thomas S. Monson el fahk, “Kunohkohn lasr pa in karihngihn un mwet uh. … Lwelah kais sie sesr in kihluckyang in kuhlwacnsap.”1

Ke Ma Suhmuhslah uh

Psalm 23; Isaiah 40:11; Mosiah 26:21

Ke Sramsram Mahtuh Lasr

Elizabeth Ann Whitney, suc wi ke miting se emet luhn Rilif Sosaiti, fahk ke eklac se lal ke yac 1830: “Ke pacl se nga lohngwack Wosasuc uh ke Elder ah fahkwack ah, nga etuh lah pa puhsrwen Mwet Liyacacng Sip Wowo se.”2 Elizabeth el ukwe puhsrwen Mwet Liyacacng Sip Wowo se ac tuh pacptaislac ac ahkkweyeyucklac.

Kuht kuh pac in lohng puhsrwen Mwet Liyacacng Sip Wowo se ac akacsruhi ke mwe luti Lal nuh sin mwet sahyac. Prestuhn Monson el fahk, “Kuht pa poun Leum inge fin facluh uh, ke kunohkohn se in kuhlwacnsap ac sruhk tuhlihk Nahtuhl uh.”3

Oacna ke mwet liyacacng sip se soklah sip tuhlac soko, pahpah ninac kuh in suk sie tuhlihk suc fahsr liki luti luhn wosasuc uh. Prestuhn James E. Faust (1920–2007), Mwet in Kahsruh Ahkluo ke Prestuhnsi Se Met, el fahk: “Nuh sin pahpah ninac kuf ke emtucng uh suc ma suwohswohs, oaru, ac pruhe ke mwe luti nuh sin tuhlihk seahkostwen uh, kuht fahk nuh suwos, Mwet Liyacacng Sip Wowo se liyacltahlwacng. God El etuh ac kahlwem ke ahsor loal lowos an. Oasr finsrak.”4

© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn Visiting Teaching Message, February 2014. Kosraean. 10862 868

Mwe kahsruh

  1. Thomas S. Monson, “Heavenly Homes, Forever Families,” Liahona, Jun 2006, 70.

  2. Elizabeth Ann Whitney, ke Daughters in My Kingdom: The History and Work of Relief Society (2011), 128.

  3. Thomas S. Monson, “Meac Nga Orwaclah nuh sin Mwet se Mihsenge uh?” Liahona, Nohfuhmpuh 2009, 86.

  4. James E. Faust, “Dear Are the Sheep That Have Wandered,” Liahona, Mei 2003, 68.

Meac Nga Kuh In Oruh Uh?

  1. Etuh lah Mwet Lahngo pa Mwet Liyacacng Sip Wowo se use fuhkah mihslac nuh in moul lasr uh?

  2. Inkacnek fuhkah kuht ac luti nuh selos suc “tuhlac” liki mukwikwi luhn Alu uh kuh suc tiac wi luhlahlfongi lasr uh?

  3. Nga kuh in tahpuhk fuhkah pahpah ninac uh suc tuhlihk nahtuh som liki moul luhn wosasuc uh?

Print