Serafo
Eu Ponuen An Iotek
Ewe chon mak a nonnom non Gauteng, South Africa.
Fan eu pwinin chienei seni och namanam a churiei. Ngang ua chok pwisin kaeo pukfel anaemon, o ua angeir pwe upwe kaeo non ena pwinin. Ua mefi pwe upwe ereni ewe nengin epwe fitiei ne kaeo pukfel, nge ua niuokus me ua sopweno ne kaeo pwisin anaemon. Ngang ua sinei pwe ua nikitano ekkewe memef an ewe Ngun mi Fel. Mwirin ekkoch minich non ai niuokus ua eisini, “Ka mochen fitiei ne kaeofengen ekkewe pukfel?” Chienei we ese ekieki usun nge a chok ponueni, “Ewer.”
Iwe, am aua anneani seni ewe Puken Mormon. I a eisiniei ekkoch kapas eis, me ua tongeni mefi ewe Ngun mi Fel ne ewenaiei non ai ponueni. Ua chok apasa ai kapasen pwarata usun ennetin ewe Puken Mormon. Mwirin ai fori ei, a ereniei, “Ngang ua kechiw me niuokus unusan ei ran. Ua keran chok iotek ngeni Kot ren anninis non ewe chok fansoun ka tingorei pwe upwe anneani pukfel reom. Ngang ua men mefi pwawpwa iei. Kinisou chapur.”
Ewe Samon a aeaei pwe eu pisekin aninis ne ponueni iotekin pwan emon me angang ngeni emon Noun semirit mi namwot aninis. Ua sinei pwe memef mi porausen awewe seni emon Sam mi mirit me ning. Nupwen sia nikitano ach niuokus, sia mut ngeni I ne pwarata An manaman seni ach anneasochis.