Poraus seni ewe Aewin Presetensi, March 2014
Angang me Manau Ese Much
Ewe Chon Amanau I ach minnen appirun tong ese nifinifin. Manauan mi unusoch mi unusen fang ngeni an angang ngeni Samach won Nang me meinisin Noun Seman kewe semirit. Ewe popunapen ewe Sam me ewe Nau pwe repwe nifang ngenikich ewe nifangen manau fochofoch me ewe feiochun manau esemuch (nengeni Moses 1:39).
Ren ach sipwe fich ngeni manau esemuch, mi namwot sipwe ekkesiwini netipach ren ewe Achasefanin Jises Kraist—upusefan me animenimochuno seni tipis. Nge, ekkewe semirit fan wanu ierer, ese wor rer tipis me ir repwe manausefan pokiten ewe Achasefan (negeni Mosiah 3:16, 21; Moroni 8:10–12).
Ren kich meinisin ion kewe a tori ewe ierin pwisin pungun finata, mi wor ewe kokkot mi amwarar minne a mut ngenikich ach sipwe nimenimoch seni tipis me ammonata fan itan ewe manau esemuch. Ena minnen ammonata a pop seni ewe angangen papatais me ren emon a wor an mwumwutan pristut me angei nifangen ewe Ngun mi Fel. Iwe mwirin sipwe fakkun chechemeni iteitan ewe Chon Amanau me anneasochisi An kewe annuk I a ngeni kich.
King Benjamin a ereni noun kewe aramas non ewe Puken Mormon usun ewe pwapwa a feito seni omusomusen tipis me ren ewe Achasefanin Jises Kraist. Iwe a pwan aitiir ika repwe angei musomusen tipisir kewe, ir repwe fakkun aiti nour kewe pwe repwe angangfengen nefiner me repwe pwan kisasew non ar tufich ne anisir chon unukur non pekin ngun me pekin inis. (Nengeni Mosaia 4:11–16.)
I a pwan aitir, “Iwe nengeni, ua erenikemi ekkei mettoch pwe oupwe kaeo tipachem; pwe oupwe kaeo nupwen fansoun ami angang ngeni pwimi kewe, iwe, oupwe sinei pwe oua angang ngeni Kot.” (Mosaia 2:17).
Jises a afanafan fetanni An kapas allim me a fori murinno (nengeni Foffor 10:38). A echikara ekkewe chon semwen. A amanaua ekkewe mi ma. Ren An manaman A amongoni fitu ngerou nupwen ra echik me ese wor mongo (nengeni Matthew 14:14–21; John 6:2–13). Mwirin An Manausefan A amongoni ekkoch Noun kewe Aposel nupwen ra feito won nepii orun Noom Galilee (nengeni John 21:12–13). Non ewe fonu Merika, A echikara chon samau me efeiochu ekkewe semirit emon me emon (nengeni 3 Nifai 17:7–9, 21).
James ewe Aposel a aiti kich ifan ach tipemochen ne angang ngeni ekkoch a feito seni ach kinisou chapur ren met ewe Samon a fori fan itach:
“Nge ika emon epwe nengenochu ewe annuk mi unusoch, ewe mi tongeni angasano kich aramas, o nikitu non, iwe esap chok ausening nge monukano, nge epwe apwonueta non an foffor—iwe, ei sokkun aramas epwe feioch me ren Kot non minne epwe fori. …
“Iei usun an Semach Kot ekiek usun ach tupwon mi nimenimoch me ennet: pwe sipwe tumunu ekkewe semirit ese wor ar famini me ekkewe fefin mi mano punuer non ar riaffou, o sipwe pwisin tumunu kich pwe site ngaueno ren ei fonufan” (James 1:25, 27).
Eu me ekkei memefen pochokun pwe kopwe nimenimoch pwe eu mettochun tipwemochen ne angang ngeni ekkoch fanasengisin ewe Chon Amanau. Sensen Famini me an fefin chon amwa ra winiti angangen pwapwa nge esap angangen achoua. Kopwe kuna pwisin en mochen akkanisi fan chommong non sukun are anisi chon osupwang non neniom. Ika mo pwe esap chommong noum moni ne anisi ekkewe mi osupwang, ka wesewesen mochen mefi ika pwe epwe wor chommong noum pisek kopwe tongeni nifang (nengeni Mosaia 4:24). Ka kuna non pwisin en ewe tipemochen ne angang ngeni noum kewe semirit me aitir ifan ar repwe pwan tongeni anganag ngeni ekkoch.
Nupwen napanapom a winino, kopwe mefi tipemochen ne pwan akkanganga ren ekkoch non monomon. Ngang ua sinei chommong chon kuno an ewe Chon Amanau ion kewe ra niffang chommong nifangen moni me fofforun angang fan ar tipemochen pwe esap wor emon esap sinei chinon chok Kot me pwisin nour kewe semirit. Kot a esinnar non ar angang ren efeiochur non ei manau, me I epwe efeiochur non ewe manau ese much epwe feito (nengeni Matthew 6:1–4; 3 Nifai 13:1–4).
Non om anneasochisi ekkewe annuk ne angang fan itan ekkoch (nengeni Matthew 22:39), ka mefi siwinin non mefiom kewe. Ewe Chon Amanau a apungano Noun kewe Aposel nupwen ra aninifengen usun ion neir a nap seni nefiner. A apasa:
“Are ousap pwan eita ngeni kemi souemwen, pun emon chok noumi souemwen, i ewe Messiah.
“Ewe mi nap me neimi epwe noumi chon angang” (Matthew 23:10–11).
Ewe Chon Amanau a aiti kich ifa usun ach sia tongeni kaeo ne angang ngeni ekkoch. I a angang non unusoch, me kich sipwe pwan kaeo ne angang usun chok I a kaeo—ekis me ekis (nengeni D&C 93:12–13). Ren ach angang sia kawora, kich sia tongeni winiti usun chok I. Kich sipwe iotek ren unusen ewe pochokunen netipach ne tongei chon oput kich usun chok I a tongeiir (nengeni Matthew 5:43–44; Moroni 7:48). Iwe sipwe siwinano ne fich ngeni manau esemuch ren I me Semach won Nang.
Ua pwon pwe sipwe tongeni angang non unusoch ren ach sia tapweno mwirin an ewe Chon Amanau kewe afanafan me nenien appiru.
© 2014 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13. Chiakun First Presidency Message, March 2014. Chuukese. 10863 901
Afanafan seni Ei Poraus
Elter M. Russell Ballard seni ewe Mwichen Engon me Ruemon Aposel a amwasanga kich ne iotek pwe epwe ngeni kich ekkewe fansoun tufichin ne angang: “Non om iotekin nesesor iteitan ran, tingorei Samach won Nang an epwe emwenuk ne esinna tufichin angang fan itan emon Noun semirit mi auchea. Iwe won fetanin om ran…kutta ekkewe tufich ne anisi emon” (“Be Anxiously Engaged,” Ensign are Liahona, Nov. 2012, 31). Ekiekiochu ne etiwa ekkena ir ka aiti pwe repwe pwan iotek nesesor iteitan ran fan itan ekkewe tufichin angang me kutta ekkewe tufich ne anganga ren ekkoch unusan ewe ran.