Iwaad
Iboro Akam emi Enye Obongde
Andiwet odung ke Gauteng, South Africa.
Okoneyo kiet ufan mi emi esikade Ufok Abasi efen ama edise mi. Ami mmesima ndikot nwed Abasi mi ikpong, ndien mma mmen mmo nworo ndikot ke okoneyo oro. Mma nyene udong ndikot enye edibuana ye ami ke ukpep iko Abasi, edi ndik ama anam mi ndien mma ntongo ndikpep nkpo ikpong. Mma ndiongo nte ke ami mma nsin ndikop ntim eke edisana Spirit. Ke ekpri ini ebede ami mma nda ifiok mbup enye nte, “Nte afo akpama ndikpep iko Abasi ye ami?” Ye unana edifanga ufan mi oboro, “Ihn.”
Ndien nnyin ikot ito Nwed Mormon. Enye obup mi mme mbume, ndien mma nkop nte Spirit adade mi usung ke ini mborode mme mbume. Ami mma nting iko ntiense mi mbanga akpaniko kabanga Nwed Mormon. Ke nnamde emi nkure, enye odoho mi ete, “Ami mmesitua eyet nyung nkop ndik kpukpru usen. Ami ndien nkebong akam mbenge Abasi ndinwam mi kini afo okodohode mi ete nkot nwed Abasi ye afo. Ami mmekop inemesit idahaemi. Sosongo.”
Jehovah ama ada mi nte nkpo utom ndiyere akam nnyung nnwam kiet ke otu ndito Esie emi oyomde unwam. Ami mmediongo nte ntim eke spirit edi mme edisana item emi otode ata ofiokmkpo, Ete nnyin ke Ubong. Ke ini nnyin iyakde ndik inim, nnyin iyeyak odudu Esie owut idem oto ke nnyin ndikop item.