2014
Edisana Ibiong Utom eke Jesus Christ: Unwana Ererimbot
March 2014

Etop eke Visiting Teaching, eke Ofiong ita ke isua 2014

Edisana Ibiong utom eke Jesus Christ: Unwana Ererimbot.

Bong akam banga etop emi nyung yom ndifiok se edibuanade. Didie ke edidiongo uwem ye utom Andinyanga anam mbuotidem fo ke Enye okori onyung odiong mmo eke afo esede enyin oto ke visiting teaching? Ke oyomde ndifiok awak, ka ke reliefsociety.lds.org.

Mbuotidem, Ufok – Idung, Unwam

Nte nnyin idifiokde ete ke Jesus Christ edi unwana ererimbot, mbuotidem nnyin eyekori ke Enye ndien ikabare idi unwana ino mbon efen. Christ eting iko ntiense abanga utom Esie “nte ata unwana emi anwangade esit iren [ye iban] emi edukde edi ke ererimbot” D&C 93:2 onyung ebenge nnyin ete “imum unwana [Esie] emi man ekpeyama ono ererimbot.” (3 Nephi 18:24).

Mme prophet nnyin nko edi ntiense ono Unwana Christ. President Henry B. Eyring, Akpa Ono-item ke First Presidency, odoho ete: “Ini eke afo emekde ndidu uwem nte Andinyanga, iko ntiense fo eyesongo ada. Afo eyediongo ke idem fo ete ke enye edi Unwana Ererimbot. …Afo eyeyak unwana Christ ke idem fo ayama ono owo efen.”1

Elder Quentin L. Cook eke Eboho mme Mbet Duopeba eketing abanga nnyin ndidi unwana nno ererimbot: “Nnyin inyene ndikpeme mme ufokidung nnyin nyung mbe iso otokiet ye mbon eti esit ke ndinam kpukpru nkpo ndinim unwana, idorenyin ye ndinen ido ke mme obio nnyin.”2

Emi oto Nwed Abasi

John 8:12; Doctrine and Covenants 50:24; 115:5

Emi oto Mbuk UwemNnyin

Iban Ufok Abasi Jesus Christ eke Latter-day Saints ekaka iso emum unwana mmo ekama.

Ke 80th floor eke edikong ufok enyong ke Hong Kong, China, nkaiferi kiet ye unomo ke ikpokidem—emi edide nkukure Latter-day Saint ke ufokidung mmo—ama anam ufok esie edi eti ebiet emi enye ye mme isen owo ekemede ndikop odudu Spirit. Enye enim nwed Abasi esie, nwed ukpepnkpo eke Nka Iban esie, ye nwed ikwo esie ekpere idem. Enye esika Temple ekenam edinam ono mbio ubon esie emi ekekpade.3

Ke Brazil, eti eka-ndito kiet ama obok ndito esie ke unwana iko Abasi. Ikwo ikpehe nditonwong ama oyoho ndandat ufok esie, ye ndise Temple emi otode Liahona ndise mme prophet Abasi, ye Andinyanga oyoho mbibene. Enye ye Ebe esie ewa idem ekedian ndo ke Temple man ndito mmo ekeme edimana ke idak enwongo. Enye eyire ndibong akam kpukpru ini man Abasi anwam enye ndibok ndito ke unwana, akpaniko, ye odudu eke iko Abasi.4

© 2014 eketode Intellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13. Ndikabare eke Visiting Teaching Message, March 2014. Efik. 10863 553.

Nkpri nwed

  1. Henry B. Eyring, “Odu-uwem Iko Ntiense,” Ensign ye Liahona, May 2011, 128.

  2. Quentin L. Cook, “Yak Unwana Odu!” Ensign yeLiahona, Nov. 2010, 30.

  3. Kese ke Mme Ndito Iban ke Ubong Mi: Mbuk Eset ye Utom Nka Iban eke Ufok Abasi eke isua 2011, 163–64.

  4. Kese Mme Ndito Iban ke Obio Ubong Mi, 164.

Nso ke Ami Mkpenam?

  1. Ting se oworode ndidi unwana nno ererimbot mfin emi.

  2. Kere banga danga nditiene unwana eke Christ anwam fi ndiyo mme idomo.