Mwet Fuhsr
Top se nuh ke Pruhe Lal
Mwet sihm uh muhta fin acn Gauteng, South Africa.
Sie fong ah kawuck se ke siepacna luhlahlfongi tuhkuh in muhtwacta yuruk. Nga kwacna muhkwena lutlut ke ma suhmuhslah uh, ac nga eslah nuh sahyac in lutlutkihn ke fong sac. Pihrihkyuck nga in solwacl in wi lutlut ke ma suhmuhslah nuhtihk, tuhsruhktuh nga sahngweng ac muhtwacwacack sifacna lutlut. Nga etuh lah nga sirangkaoi pihrihkyuck se luhn Nguhn. Tukun minit ekahsr nga okak in siyuck, “Kom ke wiyuc lutlut ke ma suhmuhslah uh?” El tiac tahfuh luo in topuk, “Ahok.”
Na kuht rit ke Puk luhn Mormon. El siyuck sihk ke kuhtuh kihsen siyuck ah, ac nga kuh in puhla Nguhn kolyuc ke nga topuk. Nga fahkwack luhlahlfongi luhk ke ma pwacye luhn Puk luhn Mormon. Tukun nga oruh ma inge, el fahk nuh sihk, “Nga tuhng ac sahngweng ke lwen fohn se. Nga tuhfahna pruhe nuh sin God ke kahsruh ke kom siyuck nga in wi kom riti ma suhmuhslah uh. Nga puhla wo likina met ah ingena. Kom kuloh.”
Leum El orekmakihnyuc oa sie kuhfa in topuk pruhe ac kuhlwacnsapuh sie sin tuhlihk Nahtuhl suc enenuh. Nga etuh lah pihrihkyuck uh pa mwe kahsruh lucng sin Pahpah lahlmwetmwet, ac wolacna se. Ke kuht eslah mwe sahngweng lasr, kuht lwelah Elan ahkkahlwemye kuh Lal nuh ke ahkostwen lasr uh.