Ngeasek
Nger er a Nglunguchel
A milluches a kiei er a Gauteng, South Africa.
A tal kesus e a sechelik el chedal a ta er a klechelid a mle oldingel er ngak. Ak blechoel di ngak el menguiu chedaol llechukl, e tiaikid el kesus e ak milenguiu. Ak mlo omelchesiu el sioati er ngii el me menguiu lobengkek, eng di ak ko er a mle medakt meng di mle ngak el tang el menguiiu. Ak mle medengei el kmo ng dimlak kutireklii odbechel Chedaol Reng. Uriul er a sesei el bung e ak mocha oker ngii, “Ng soam el menguiu chedaol llechukl lobengkek?” Ng kmal di mle mereched ngika el sechelik el kmo, “Oi.”
Me a ki mocha menguiu er a Babier er a Mormon. Ng uleker ngak a bebil er a ker, e ak mlo omelchesiu er a Chedaol Reng lomekrael er ngak se el kunger. A kuluchais er a klaumerang er ngak el kirel a Babier er a Mormon. Uriul, eng dula er ngak el kmo, “Ng ta el sils el klangel e medakt. Ak mla meluluuch lolengit a ngeso er a Dios er se er a omolengit er ngak el mo menguiu chedaol llechukl lobengkem. A kumelchesiu el ungil a renguk er chelechang. Ke mesulang.”
A Rubak a mla ousbech er ngak el uaia blo kdongu el mlo nger er a nglunguchel e mesiou er a ta er a ngesonges el Ngelekel. Ak medengei el kmo a odbechel a reng a chedaol ulekrael el mla er a mellomes, e chetengakl el Chedam. Se el docheuekl a dekted, e kede kongei er Ngii me ngochotii a Klisichel lokiu a blekongesenges er kid.