Klumech er a Oldingel e Olisechakl, Ongedei el buil 2014

Chedaol Urerel a Jesus Kristo: Llomes er a Beluulechad

Mngara nglunguuch el mesuub er tial klumech e mosiik el kmo ngera ke mo ouchais. Ng mekera se el klemedengei er kau er a klengar me a urerel Osobel e choisisii a klaumerang er kau er Ngii e mo omekngeltengat er tirkel momes er tir lokiu odingel me a olisechakl? A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeso

Se el dorael mo medengei el kmo a Jesus Kristo a Llomes er a Beluulechad, e a klaumerang er kid er Ngii a mo mesisiich e kid a mo llomes el mo er a rebebil. A Kristo a ulechais el kirel a Urerel el “meral llomes lomeklomes er a bek el sechal [me a redil] el mei er a beluulechad” (D&C 93:2) e ulengit me kid “dodersii a llomes er [Ngii] me lomeklomes er a beluulechad” (3 Nephi 18:24).

A reprofet er kid a dirrek el mla melekoi el kirel a Llomes er a Kristo. A President Henry B. Eyring, Kot el Counselor er a First Presidency, a millekoi: “Bek el taem el molilt el mo kiei el uaia Osobel, e a klaumerang er kau a mo mesisiich. Ke di kau el mo medengei el kmo Ngii a Llomes er a Beluulechad. … Ke mo chotii el mo er a rebebil a Llomes er a Kristo el ngara klengar kau.”¹

A Elder Quentin L. Cook er a Chelechad er a Teruich me a terung el Apostol a millekoi el kirel a llomes er kid el mo er a beluulechad: “Ng kired lomecheliu a telungalek er kid e mo ruchei lobengterir a rungil a moktek er tir el chad e meruul aikel rokui el sebeched el mo mengeluolou er a llomes, urunguled, me a kldung er a beluu.”²

Nga er a Chedaol Llechukl

Johanes 8:12; Doctrine and Covenants 50:24; 115:5

Nga er a Reksi er Kid

A Ruriul-klebesei el Santo el redil er chelechal sils a melemolem loldars er a llomes er tir.

Ngara okai el chellibel er a kedidai el blai er a beluu er a Hong Kong, er a Sina, e a mesobil odos el ngar ngii a chelitechetul a bedengel—el di ngii el tang el chedal a Uriul-klebesei el Santo er a telungalek er ngii— a kildmeklii a blil el mlo uaia lorkerodel el ngii me a rechad el mle oldingel a mo melchesuar Chedaol Reng. A chedaol llechukl, me a hong er a ngii er a Relief Society, me a blil a cheliteklel a di kmeed er ngii. Ng ulemais el mo er a templo el meruul chedaol ruoll el kirir a rebeldekel.³

A kuk beluu er a Brazil e a melemalt el chedil a omekeroul er a rengelekel er a chelsel a llomes er a ebangkelio. A chelitakl er a Primary a morrenges el meliuekl er tial blil, e a siasing el mengai er a Liahona er a rua templo, reprofet er a Dios, me a Osobel a mui er a kboub er a blil. Ngii me a bechil a mle meringel loureor el uchul e te mlo kaubuch er a chelsel a templo me luchul e a rengelekir lemechell el ngara chelsel a telbiil. Se el blechoel nglunguchel a kmo a Rubak bol ngeseuir el mekerulterir a rengelekel er a chelsel a llomes, klemerang, me a klisichel ebangkelio.⁴

© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, March 2014. Palauan. 10863 881

Ngera Sebechek el Rulii?

Mosaod el kmo ngera belkul se el bo dellomes el mo er a beluulechad er chelechal sils.
Molbedebek el kmo ng mekera otirekled er a llomes er a Kristo e ngosukid lotekangel a ringel.