Ozi nke Nkuzi ndi nleta ụmụnwanyị,Ọnwa atọ 2014
Ịje-ozi Sinachi nke Jisọs Kraịst: Íhé nke Ụwa
Jiri ekpere tule-uche na akwụkwọ nke a, ma chọọ ka ịmụta ịhe iga-ekesara ndị mmadụ. Kedụ otu nghọta maka ndụ, na ịje-ozi nke Onye nzọpụta g’esi ewulite okwukwe gị na Ya, ma gozie ndị ahụ ị na-elekọta site na nkuzi nleta gị? Maka inweta nkọwa ndị-ọzọ, gaa na reliefsociety.lds.org
Okwukwe, Ezi-na-ụlọ, Enyem-aka
Mgbe anyị n’aghọta na Jisọs Kraịst bụ Íhé nke Ụwa, anyi g’ewulite okwukwe anyị n’ime Ya, ma bụrụ íhé nye ndị ọzọ. Kraịst gbara-ama maka oke-na-ọrụ Ya dịka “ezi íhé ahụ nye nwoke ọbụla (na nwanyị ọbụla) na-abịa n’ime ụwa” O&O 93:2 ma Ọ gwawo anyị k’anyị “welite íhé (Ya) elu ka ọ na-enwu nye ụwa” (3 Nifaị 18:24).
Ndị-amụma anyị agbawokwa ama maka Íhé nke Kraịst. Onye Isi-Nduzi Henry B. Eyring, Onye-Ndụmọdụ nke Mbụ na Ndị-Isi Nduzi nke Mbụ, kwuru: “Mgbe ọbụla ịgbara mbọ ka ibie ndụ dịka Onye-Nzọpụta, ọgbugba-ama gi ga-esi-wanye-kwa ike. Ị ga-abịa mata n’onwe gị na Ọ bụ ya bụ Íhé nke Ụwa. …Íhe nke Kraịst nke ahụ nọ na ndụ gị, g’efesara ndị ọzọ.”1
Okenye Quentin L. Cook, onye nke Kworum ndị Ndị-Ozi Iri na Abụọ kwuuru maka anyị ị bụ íhé nye ụwa: “Anyị kwesịrị ịchekwa ezi-na-ụlọ anyị nile, nakwa soro ndị ezi-ọmume nọrọ n’ihu maka ịmee ịhe nile anyị nwere ike maka idokwa íhé, olile-anya, na ezi-omume n’ime obodo anyị nile.”2
Site na Akwukwọ-nsọ nile
Site na Akụkọ ochie anyị
Ụmụ-nwanyị ndị Ndị-Nsọ Ụbọchị Ikpe-azụ taa, na-aga n’ihu n’egosipụta íhé ha.
N’ime okpu-ụlọ nke iri-asatọ nọ na otu nnukwu ụlọ-elu na Hong Kong, China, otu nwanne nwanyị n’alụbeghi dị, onye nwere nkwarụ na ahụ ya —, onye nanị ya bụkwa Onye-Nsọ Ụbọchị Ikpe-azụ n’ime ezi-n’ụlọ ya—, meziri ụlọ ya k’ọbụrụ ebe mgbabanye, ebe ya na ndị ọbịa ya ga-enwete mmetụ nke Mụọ. O dobere akwụkwọ-nsọ ya nile, akwụkwọ-ọmụmụ nile nke otu Enyem-aka, na akwụkwọ-abụ ya na-akụkụ ya. Ọ gara tempụl ka ọ mee emume-nsọ nile maka ndi nna-nna ya.3
Na obodo Brazil, otu nne onye ezi-omume zulitere ụmu ya n’ime íhé nke ozi-ọma. Ana agụ egwu ndị ụmụ-ntakịrị n’ụlọ ya kwa mgbe, ma ihe-osise si na Liahona nke tempụl, ndị amụma Chineke, na nke Onye-Nzọpụta ka ekobere na ahụ ụlọ. Ya na di ya gbara-mbọọ nke ukwuu ka ha mee emume nrachie ha n’ime tempụl, nke g’eme ka ụmụ ha bụrụ ndi amụrụ n’ime ọgbụgba-ndụ. Ekpere ya mgbe nile bụ ka Onye-Nzọpụta nyere ya aka ịzulite ụmụ ya n’ime íhé, eziokwu, na ike nke oziọma.4
2014 site na Intellectual Reserve, Inc. Ikike nbịpụta nile ejikọtara. Ebipụtara na USA. Nkwado n’asụsụ Bekee: 6/13. Nkwado ntụgharị-asụsụ: 6/13. Ntụgharị-asụsụ nke Visiting Teaching Message, March 2014. Igbo. 10863 593
Gịnị ka m nwere ike ime?
-
Kpakọrịta-nụ ụka ịhe ọ pụtara ịbụ íhé nye ụwa taa.
-
Tule-uche maka otu iso íhé nke Kraịst g’esi enyere gị aka ị nagide mnwale nile.