Ozi nke Otu NdỊ-isi Nduzi Mbụ, Onwa atọ 2014
Ịje-ozi na Ndụ Ebighi ebi
Onye-Nzọpụta bụụrụ anyị ọmụmatụ maka ịje-ozi n’echeghi maka nanị onwe. Ndụ Ya nke zuru-oke, bụ ịhe o tinyechara n’ime ijere Nna nke bi N’elu Igwe, na ụmụ Ya nile nke Nna Ya ozi. Obi-bụ-otu nke Nna na Nwa, bụ ịnye anyị nile onyinye ndụ-anwụ-anwụ na ngozi nke ndụ ebighi-ebi (lee Mosis1:39).
I tozu maka ndụ ebighi-ebi, anyị kwesịrị ịnwete mgbanwe site na aja-mmehie nke Jisọs Kraịst—, bụrụ ndị amụrụ-ọzọ, na ndị asachapụrụ na mmehie. Ụmụ-ntakịrị n’erubeghi afọ asatọ, otuosiladị, enweghi mmehie,azọpụtawokwa ha site na aja-mmehie (lee Mosaia 3:16, 21 Moronaị 8:10–12).
Maka anyị-nile ndị rugoro afọ ịza-ajụjụ, enwere atụmatụ dị nma, nke g’eme ka anyị nwete nsachapụ mmehie ma bụrụ ndị akwadoro maka ndụ ebighi-ebi. Nkwado maka nke a n’ebido na baptizim site na ikike ọkwa nchụ-aja na ịnata Mụọ Nsọ. Emesịa, anyị kwesịrị ịchete Onye Nzọpụta mgbe ọbụla, ma n’edobe iwu nile nke Ọ nyere anyị.
Eze Benjamin gwara ndị obodo ya n’ime Akwụkwọ nke Mọmọn maka ọńụ nke n’abịa site na inwete mgbaghara mmehie nke n’abịa site na aja-mmehie nke Jisọs Kraịst. Emesịa, ọ kuziri ha na ọ bụrụ na ha chọọ ijidesi nsachapụ mmehie ha ike, ha ga akuziri ụmụ ha ka ha jekọrịtawara onwe ha ozi, ma ha g’enwe obi imepụ-aka dịka ha nwere ike, ka ha nwee ike gboo mkpa anụ ahụ na nke mụọ nke ndị gbara ha gburu-gburu. (lee Mosaia 4:11–16).
Ọ kuzikwara, “Ma lee, a na m agwa unu ịhe ndịa ka unu mụta amamịhe; ka unu mụta na mgbe unu nọ n’ijere mmadụ ibe unu ozi, unu nọ nanị n’ije ozi nke Chineke unu” Mosaia 2:17.
Jisọs n’ejegharị n’akuzi oziọma Ya, ma n’emekwa ịhe ọma (leeActs 10:8) Ọ gwọrọ ndị ọrịa. Ọ kpọlitere ndị nwụrụ-anwụ. O ji ike Ya wee zụọ nde kuri-nde mmadụ mgbe agụ n’agụ ha, mgbe ha na-enweghi nri (leeMatiu 14:14–21;Jọn 6:2–13) Mgbe O biliri na ọnwụ, Ọ nyere ụfọdụ ndi Ndị-Ozi Ya nri mgbe ha bịara na Ọgbara-ala nke Mmiri Galili (leeJọn 21:12–13). Na Amerikas, Ọ gwọrọ ndị ọrịa, ma gozie ụmụ-ntakịrị n’otu n’otu (lee 3 Nifaị 1:7–9, 21).
Jemes Onye-Ozi kuziri anyị ọtu mmasi anyị nwere ịjere ndị ọzọ ozi na esi abawanye site na obi-ekele anyị maka ịhe Onye-Nwe-anyi meere anyị:
“Ma onye nyochaworo n’ime iwu ahụ zuru-oke nke mnwere-onwe, ma nogidekwa otu a, ghara ịghọ onye n’echefu ịhe ọ nuru, mana ghọọ onye n’eme eme, onye a ga-bụ onye agozịrị n’omume ya, …
Okpukpere-chi nke dị ọcha, nke ana-emerụghi n’ihu Chineke bụ Nna bụ nke a, Ileta ụmụ n’enweghi nna, ndị isi-mkpe n’ime mkpagbu ha, na idebe onwe-ha n’enweghi ntukpọ site n’ụwa” Jemes 1:25, 27.
Otu ịhe ga-agba-ume n’anyị n’enwete ịdị-ọcha, bụ mgbe ọchịchọ-obi maka ịjere ndị ọzọ ozi n’ihi Onye-Nzọpụta na-amubanye. Nkuzi-ezi-na-ụlọ na Nkuzi nleta gazi abụ ịhe ọńụ karịa ịbụ ọrụ. Ị ga-ahụta onwe gi ka ị n’arọpụta onwe gi karịa n’ime ụlọ-akwụkwọ, m’ọbụ ị nye aka ịleta ndị ogbenye nọ n’ime obodo gị. N’agbanyeghi na ị nwere ntakịrị ego ị nye ndị ahụ na enweghị, ị ga enwe mmasị ịnye ha karia ma ọbụrụ na inwee ya. (lee Mosaia 4: 24). Ị ga-ahụta onwe gị ka ọ na-anụ gị ọkụ n’obi ijere ụmụ gị ozi, ma gosi ha otu esi ejere ndị ọzọ ozi.
Mgbe ndụ gị n’agbanwe, ị ga enwete ọchịchọ obi ị nyere aka nke a na-akughị ekwe ya. A mam ndị n’eso ụzọ Onye-Nzọpụta ndị nke nyere nnukwu onyinye ego na enyem-aka ha nke ndị mmadụ na amaghị m’ọbụghị nanị Chineke na ụmụ ha ma maka ya. Chineke anabatowo enye m-aka ha site n’igozi ha na ndụ nkea, ma Ọ ga-agozikwa ha na ndụ ebighi-ebi nke n’abịa (lee Matiu 6:1–4; 3 Nifaị 13:1–4).
Dịka mgbe i dobere iwu maka ijere ndị ọzọ ozi (lee Matiu 22:39, ị nwetaworịị mgbanwe na ndụ nganga gị. Onye-Nzọpụta kuzi-maara Ndi-Ozi Ya mgbe ha na-adọ maka onye kacha elu n’ime ha. O kwuru:
“Ka aghara ịkpọ unu ndị-nna-ukwu: n’ihi na otu onye bu Nna-ukwu unu, ọ bụ Kraịst.
“Ma onye dịkarịsịrị ukwu n’etiti unu g’abụ onye n’ejere unu ozi” (Matiu 23:10–11).
Onye Nzọpụta kuziri anyị ụzọ anyị g’esi amụta ịjere ndị ọzọ ozi. Ọ jere ozi nke ọma, anyị kwesịrị ịmụta ịje ozi dịka Ọ mụtara— amara ruo n’amara (lee O&O 93:12–13). Site na ozi nke anyị n’eje, anyị nwere ike ịdịwanye ka Ya karịa. Anyị g’eji ume nile nke obi anyị, kpee-ekpere ka anyị hụ ndị-iro anyị n’anya dịka otu O ji hụ ha n’anya (lee Matiu 5:4–44; Moronaị 7:48). Emesịa n’ikpe azụ, anyị g’etozu maka ndụ ebighi-ebi anyị na Ya na Nna anyị Bi N’elu-Igwe.
A nam ekwe nkwa na anyị ga eje ozi nke ọma mgbe anyị n’eso nkuzi nile na ọmụmatu nke Onye Nzọpụta.
2014 site na Intellectual Reserve, Inc. Ikike nbịpụta nile ejikọtara. Ebipụtara na USA. Nkwado n’asụsụ Bekee: 6/13. Nkwado ntụgharị-asụsụ: 6/13. Ntụgharị-asụsụ nke First Presidency Message, March 2014. Igbo. 10863 593
Nkuzi si na ozi a
Okenye M. Russell Ballard onye nke Kworum ndị Ndị-Ozi Iri na Abụọ akuziworo anyị k’anyị kpee ekpere maka ohere ije ozi: “N’ekpere ụtụtụ kwa ụbọchị ọhụrụ, rịọ Nna Bi N’Igwe ka o duo gị ka ịmata ohere ijere otu n’ime ụmụ ọma Ya ozi. Ịmesịa, gawa n’ụbọchị ahụ… na-achọ onye ị ga-ejere ozi” (“Tinye Uchu N’ọrụ” Ensign m’ọbụ Liahona Nov. 2012, 31). kwete ịkpọku ndị ahụ ịna-akuziri ka ha kpebie ịkpe ekpere ụtụtụ ọbụla maka ohere ije-ozi, emesịa, chọwazie ohere ndị a n’ụbọchị ahụ.