Iwaad
Mboho ye Ami
Andiwet odung ke Toronto, Canada.
Ami nkesikere nte ke weekend akwa mboho esibigi onyung odobo, edi nte ini edibede, Ami mmedima nnyung nyom mboho emi. Weekend eke akwa mboho ekeme ndisongo spirit nnyin, edi emem ndiyak mme nti ekikere emi okpu kini ifiakde itongo ata edu-uwem nnyin ke Monday. Ubak ke otu mme ekikere emi ama anwam mi ndika iso nnyene nti nkpo oto ke mboho emi nte ekpededi.
Ami mma mbenge idem mi nno mboho ke ndiwet mme mbume nnim, ndien nko Ami nwet ekpri nkpo ke ini eborode mme mbume mi. Ke oro ebede , Ami mmema ndi download mme iko ye ikwo eke mboho emi otode LDS.org ndien nsin mmo ke MP3 player man Ami nkeme ndikpang utong nkop iko ye ikwo kini Ami nnamde mme utom ke k’usen k’usen. Ami nko mmema ndikot mme ewewet iko ke nwed mboho ke Liahona. Ami nnam anwanga nnyung nnam nkpri nwet ke mben nwed eke mi. Kini edinim mboho efen ekperede, ami mmetim nkot magazine mi. Ufokidung mi ke ubak ini esikot mme etop emi otokiet ke family home evening.
Ndinyene spirit eke nnyin ikokopde ke ini mboho emi ye nnyin ye ndikaka iso mkpeb nto mme etop emi oyom utom, edi ndinam emi ama edi akamba edidiong ono mi. Ami mmebo akamba nsongonda ye ndausung kini unana oto ke ndikot mme etop eketode akwa mboho, ndien Ami mmediongo nte ke mme etop emi edi edisana.