Etop eke Visiting Teaching,Ofiong Inang ke isua 2014
Ata Iso Utom eke Jesus Christ: Andinyanga ye Andifak.
Bong akam kpeb nkpo emi ndien yom ndidiongo se ekpebuanade. Didie ke ndifiok uwem ye utom eke Andinyanga edinam mbuotidem okori ke Enye onyung odiong mbio owo emi mbufo esede enyin oto ke visiting teaching? Ke oyomde ndifiok awak, ka ke reliefsociety.lds.org.
Mbuotidem, Ufok – Idung, Unwam
Elder D. Todd Christofferson eke Eboho mme Mbet Duopeba okodoho ete, “Ke otu mme ata sanga-sanga enying eke efiokde Jesus Christ edi Andifak.” “Erifak oworo ete ndikpe nsio ke ubiong ye ke ison. Erifak nko ekeme ndiworo nte ndinyanga mme ndikpok nyak nte ke edikpe ekom urua. … Kiet kiet ke otu se emi oworo owut nsio-nsio ikpehe eke akwa ufak emi Jesus Christ akanamde oto ke Uwa Usio Isop Esie, emi esinede, ke mme iko eke dictionary, ‘ndinwam nsio ke idioknkpo ye mme isop esie, nte ke ediwa idem nno andinam idioknkpo.1
Linda K. Burton, general president eke Relief Society, okodoho ete: “Ete ke Enyong … okono Ikpong-ikpong ye nsana mme Eyen Esie emi Enye Obonde ndibo ufen ke ntak mme idioknkpo, ubiak nnyin ye kpukpru nkpo eke akwangade ke uwem nnyin kiet kiet.
“… Nnwan kiet emi okokutde idomo ye mfuho ke ediwak isua eketing ye mmongeyet ete, “Ami mmedifiok nte ke Ami mbiet akani okuk 20-dollar — enuakde, ewaide, abat, esabade, enyung eyangade. Edi… Ami nsuk ndodot nte oyoho 20 dollars.’ Nnwan emi ama odiongo ete ke imo… imenyene oyoho ufon ino [Abasi] ke ndino Eyen Esie man edisio isop ono enye, ke idem imo. Kpukpru ndito eka iban ke ufok Abasi ekpenyene ndidiongo se nnwan emi okodiongode,”2
Emi oto ke mme Nwed Abasi
Emi oto Mbuk Eset Nnyin
Obufa Testament esine mme mbuk abanga iban emi ekenyenede mbuotidem ke Jesus Christ, ebo ukpeb enyung enam ukpebukpo Esie, eting iko ntiense ebanga utom, utibenkpo, ye ubong Esie.
Jesus eketing ono nnwan oro ke mben obube mmong ete:
“Owo ekededi eke onwongde mmong emi Ami ndinode enye idikopke nsat-itong aba; edi mmong oro ndinode enye eyekabare edi idim mmong ke esit esie otopde akabare oworo edi nsinsi uw
“Nnwan oro ete Enye, Obong, nno mi mmong oro, man itong okusat mi. …
“Mmofiok nte [ke Messiah] omong ededi,… : ke ini Enye edide, Enye eyewangade kpukpru nkpo ono nnyin.
“Jesus ete enye, Ami nneneme nneme mi ye afo ndi Enye.”
Nnwan oro “okpong abang esie” onyung eting iko ntiense abanga enye ke obio. Kese John 6:66.
© 2014 otode Intellectual Reserve, Inc. Emenim kpukpru unen. Ekeming ke USA. Enyimme eming ke iko Mbakara: 6/13. Enyimme Ndikabare: 6/13. Edikabare eke Visiting Teaching Message, April 2014. Efik. 10864 553