Lamharon
Ang Komperensya kag Ako
Ang tagsulat nagapuyo sa Toronto, Canada.
Sang una ginahunahuna ko nga ang general conference sa Sabado kag Domingo tuman kalawig kag katalaka, pero sa paglipas sang panahon, nanamian na ako kag ginapaabot ko na ini. Ang general conference sa Sabado kag Domingo makapabakod sang aton espiritu, apang madali nga magtahaw ining mga balatyagon kon ang normal nga pagpangabuhi magbalik pagka-Lunes. Ang pila sang masunod nga mga ideya nakabulig sa akon agud padayon nga makatuon sing lubos gikan sa komperensya.
Ginahanda ko ang akon kaugalingon sa komperensya paagi sa pagsulat sang mga pamangkot, kag dayon ginasulat ko ang mga mensahe nga nagasabat sa akon mga pamangkot. Pagkatapos, naga-download ako sang mga pamulong-pulong sa komperensya kag ambahanon gikan sa LDS.org kag gina-save ini sa MP3 player agud makapamati ako sa pamulong-pulong ukon himno samtang may ginaubra ako. Nanamian man ako magtuon sang conference issue sang Liahona. Gina-highlight ko ang mga pulong kag nagasulat ako sang mga komento sa kilid sang akon kaugalingon nga kopya. Sa pag-abot sang madason nga komperensya, halos nabasa ko na ang bilog nga magasin. Ang akon pamilya kon kaisa ulolupod nga nagatuon sang mga mensahe sa family home evening.
Ang pagtipig naton sang espiritu nga aton nabatyagan sa tion sang komperensya kag ang pagpadayon sa pagtuon gikan sa mga mensahe nagakinahanglan sang pagtinguha, apang ang paghimo sini nangin dako nga bugay sa akon. Nakabaton ako sing tuman nga kusog kag giya sa tion sang panginahanglan paagi sa pagtuon sang mga mensahe gikan sa general conference, kag nakahibalo ako nga ining mga mensahe naghalin sa inspirasyon.