Mwet Fuhsr
Toeni ac Nga
Mwet sihm se muhta fin acn Toronto, Canada.
Nga pahngon muh kapihn wik ke toeni luhlahp uh loeslac ac suhpwacr, tuh ke pacl uh somlac, nga luhngsei ac tuhpan kac. Kapihn wik ke toeni luhlahp kuh in ahksasucyeyuck ke nguhn, tuhsruhk fihsrwacsr in lwelah puhla inge in ohkohklah ke moul uh ahkwot ke Mante uh. Kuhtuh sin nuhnak tok inge tuh kahsrweyuc eis na in yohk ke toeni uh.
Nga ahkoeyuclac sifacna ke toeni uh ke nga suhmuhslah kihsen siyuck, na nga orwaclah mwe kahsruh srihsrihk uh ke kihsen siyuck luhk uh topukyucklac uh. Tohkohyang, nga luhngse in downloadiyac sramsram ac on ke toeni uh ke LDS.org ac sang nuh ke MP3 player se nuhtihk ac ngan muh kuh in lohng ke soko sramsram kuh on ke nga ahkwot ke moul luhk lwen nuh kwewa. Nga oacyacpac luhngse lutlutkihn mackuhsin ke toeni uh ke Liahona. Nga mahkiyac ac orwaclah mwe kahsruh srihsrihk ke acn mwesahs ke mackuhsin nuhtihk uh. Ke pacl fahsruh ke toeni se tok uh, mackuhsin nuhtihk uh arulacna orekmakihnyuck wo. Kuhtuh pacl uh sucu luhk uh tuhkweni lutlutkihn sramsram uh ke ekuh in sucu.
Kalweni nguhn ma kuht puhla ke toeni uh in muhta yohrohsr ac in lutlutkihna ke sramsram uh enenuh orekma, tuh mwe insewowo na yohk se nuh sihk ke nga oruh ma inge. Nga tuh eis kuh ac kolyuck yohk ke pacl enenweyuck ke nga lutlut ke sramsram ke toeni luhlahp, ac nga etuh lah sramsram inge mokleyuck.