2014
Misin Muhtahl luhn Jisus Kraist: Mwet Lahngo ac Mwet Molwelah
April 2014

Pweng ke Forfor Luti, Eprel 2014

Misin Muhtahl luhn Jisus Kraist: Mwet Lahngo ac Mwet Molwelah

Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lom Kacl ac ahkinsewowoye mwet kom liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Inmahsrlon sifac ahkuhtweyac yohk srihpaciyacn Jisus Kraist pa Mwet Molwelah,” Elder D. Todd Christofferson ke U luhn Mwet Sap Singucul Luo el fahk. “Molwelah kalmeyac pa in moli ma enenweyuck kuh misac ke mani. Molwelah kuh pac in kalmeyac pa in kahsrwelah kuh ahksukohsohkye in moli sie mani ke kohs. … Kais sie kalmac inge ahkkahlwemye kain in ip srihsrihk ke Molwelah yohk ma ahkfalyeyucklac sin Jisus Kraist ke Iwaclah Lal, ma weacng, ke kahs ke dictionary, ‘in molwelah liki ma koluk ac ma sikyak kac ah, oacna sin kihsackuhnlah oreklac nuh sin mwet orek ma koluk.’”1

Linda K. Burton, prestuhn luhn Rilif Sosaiti, el fahk: “Pahpah Inkuhsrao … suhpwaclah Wen Sefanna ac suwohswohs Nahtuhl in kweok ke ma koluk lasr, kweok ke insiyacsr, ac ma nuh kwewa ma tiac fal nuh ke moul lasr kais sie.

“… Sie muhtwacn suc moulkihn yac puhs ke pacl upac ac suhpwacr fahk ke sronin muhta lal, ‘Nga tuh akihlen lah nga oacna tala-20 mah—uleyucki, mihsacsac uh, fohkfohk, ahkkolukyeyuck, ac kihnetnet uh. Tuh … nga srwackna yohk molo oacna tala 20 fohn se.’ Muhtwacn se inge etuh lah el … yohk molo fal nuh sin [God] in suhpwacma Wen Nahtuhl in iwaclah kacl, sifacna. Kais sie muhtwacn ke Alu uh enenuh in etuh ma muhtwacn se inge etuh uh.”2

Ke Ma Suhmuhslah uh

2 Nephi 2:6; Helaman 5:11–12; Moses 1:39

Ke Sramsram Mahtuh Lasr

Wuhlweacng Sasuc sramsramkihn ma sikyak ke muhtwacn suc orekmakihn luhlahlfongi ke Jisus Kraist, lotwelah ac moulkihn mwe luti Lal, ac fahkwack ke kuhlwacnsap, usrnguck, ac wolacna Lal.

Jisus el fahk nuh sin muhtwacn se ke acn in utkof sac:

“Ac kuhtwena mwet suc nihm ke kof se ma nga fah sang nuh sel, ac fah tiacna sifilpac maluh; tuh kof se ma nga fah sang nuh sel ac fah eklac sie unohn in kof in el, suc ac fah sang nuh sel kof in moul oacyacpac moul ma pahtpaht.

“Ac muhtwacn sac fahk, Leum se, use nihmuck kuhtuh kof sacn, na nga fah tiac maluh . …

“Nga etuh lah [Messiah] el ac tuhkuh, … : ac ke el ac tuhkuh, el fah ahkuhtweyac ma nuh kwewa nuh sesr.

“Ac Jisus el fahk, nga pa el, nga suc kahskahs nuh sum.”

El “na fihliyac suhfah in kof lal” ac fahkwack luhlahlfongi Kacl lun siti uh. (Liye John 4:6–30.)

© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn Visiting Teaching Message, April 2014. Kosraean. 10863 868

Mwe kahsruh

  1. D. Todd Christofferson, “Molwelah,” Ensign kuh Liahona, Mei 2013, 109.

  2. Linda K. Burton, “Kuh Luhlahlfongi ke Iwaclah luhn Jisus Kraist Sihmlac lun Insiyacsr?” Ensign kuh Liahona, Nohfohmpuh 2012, 114.

Meac Nga Kuh In Oruh Uh?

  1. Kuht kuh in ahkkahlwemye kuloh nuh sin Mwet Lahngo ac Mwet Molwelah, Jisus Kraist fuhkah?

  2. Kuht kuh in ipeis mwe insewowo ke kihsackuhnlah luhn Mwet Lahngo lasr ke moul lasr uh fuhkah?