Mbabun
M’enyi Botum Agye Indexing ho a?
Ɔkyerɛwfo no tse Veracruz, Mexico.
Medze moho hyɛɛ hɛn stake botae mu dɛ yɛbɛindex edzin 50,000. Ahyɛase no nna ɔyɛ dzen. Mber pii no edzin mboano a medownload no, nna nsaano akyerɛw yɛ dzen dɛ mubohu, na ɔtɔfabi a nna mepɛ dɛ medze san kɔ na medownload fofor. Naaso nkyii muhun dɛ sɛ obiara dwen dɛm a, dɛm edzin mboano no bɛka ekyir. Nna mutum susu nkorɔfo pii a wɔatow santsen wɔ sunsum wiadze rotweɔn, na mobɔɔ adwenpɔw dɛ mobɔbɔ mbɔdzen akɔ do akenkan dɛm edzin no, na makyerɛw a mennkɛyɛ mfomdo.
Mibenyaa ɔdɔ maa dɛm nkorɔfo no. Metsee ase dɛ ampaara wohia mboa, na hɛn so yehia hɔn hɔ mboa. Mebɛtsee ase yie dɛ Ɔsor Egya Ne nhyehyɛɛ a odzi mu no, obiara kã ho bi. Sɛ yedzi Ne banodzifo a Ɔasan mu eyi hɔn no hɔn nkenyan na nkyerɛkyerɛ do a, yebohu N’ehumbɔbɔr na dɔ a ɔmmbɔadze no.
Indexing ayɛ sũahu a ɔyɛ ahomkã ama me. Ebusua abakɔsɛm ho ndzɛmbaa pii bɔsoom me bo na menyaa ho dɔ so. Mesaan so nyaa akyɛdze horow a ɔsom bo kɛse fii hɛn Ewuradze hɔ ber a meyɛɛ setsie wɔ adze ketseaba tse dɛ medze moho rehyɛ indexing mu no.