2014
Jesus Christ No Dwuma a Ofi Sor: Ɔsomfo
Obirade 2014

Visiting Teaching Amandzɛɛbɔ, Obiradzi 2014

Jesus Christ No Dwuma a Ofi Sor: Ɔsomfo

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse Agyenkwa N’abrabɔ na dwuma ase no besi dɛn ato wo gyedzi mu wɔ No mu na ehyira hɔn a edua visiting teaching do ihwɛ hɔn do no? Ho nsɛm mbordo no, kɔ reliefsociety.lds.org

Gyedzi, Ebusua, Mboa

Ber a yɛsom binom no, yɛbɛyɛ Jesus Christ a, Ɔayɛ fasusu ama hɛn no no N’akãdofo anokwafo. President Thomas S. Monson kãa dɛ: “Hɔn a wohia etwa hɛnho ehyia. … Hɛn nye Ewuradze Ne nsa wɔ asaase do ha, a Ɔahyɛ hɛn dɛ yɛnsom na yempegya Ne mba.”1

Linda K. Burton, wiadze mfɛndzanan Relief Society president, kyerɛkyerɛɛ dɛ: “Sɛ yɛwɔw do yɛ a, ber a yɛsom Nyankopɔn ne mba no, hɛn mu kor biara botum abɛyɛ tse dɛ Agyenkwa no. Ama aboa hɛn ma [yɛasom] hɛnho nkorkor no, mebɛpɛ dɛ mususu nkasafua [enum] dze kaa: ‘Dzi kan hwɛ, nkyii som.’ … Ber a yɛyɛ dɛm no, nna yerisie ahyɛmudzi, na hɛn som no, tse dɛ President Monson ne dze no, beda hɛn osũanyi-dwuma edzi.”2

Yebotum abɔ mpaa anapa biara dze ehu akwanya a yɛdze bɔsom binom. David L. Beck a, ɔyɛ wiadze mfɛndzanan Young president no kãa dɛ: “Ɔsor Egya bɛyɛ wo kwankyerɛfo, na abɔfo bɔboa wo.” “Wɔbɛma wo tum ma edze ehyira abrabɔ na agye akra horow.”3

Fi Kyerɛwsɛm no mu

Matthew 20:25–28; 1 Nephi 11:27–28; 3 Nephi 28:18

Fi Hɛn Abakɔsɛm mu

Ɔbɛsɛ 1856 wiadze mfɛndzanan ehyiadzie ase no, President Brigham Young (1801–77) bɔɔ dawur dɛ abɔasefo a worupia ntaabow hwiir no da ho rotwa sar no, na dɛm no obiara wɔ dɛ ɔboaboa ndzɛmba ano ma hɔn ntsɛmpanara. Lucy Meserve Smith kyerɛɛw dɛ mbaa “yiyii hɔn ase ntar [ase ntar akesɛ], asetaagyee, na adze biara a wobotum dze ama, hɔ na hɔ ara wɔ Tabernacle hɔ, na [wɔboaa] ano guu ntaabow hwiir a mpɔnkɔ twe mu.”

Ber a abɔasefo a wɔgyee hɔn no hyɛɛ ase dɛ worudur Salt Lake no, Lucy kyerɛɛw dɛ, “Menyi nngye mbordo…. nnkyɛn edwuma biara a mayɛ no wɔ m’abrabɔ mu da, koryɛ nkãtse mpo a ɔtahyee a. Dza nna ɔwɔ dɛ meyɛ ara nye dɛ mokɔ fiadze na meda dza mepɛ edzi kyerɛ; sɛ ɔyɛ atam o, wosusuii a woenntwa bo.”4

President George Albert Smith (1870–1951 kãa faa erosom binom ho asɛm dɛ, “Hɛn onnyiewiei enyigye ne kɛse bɛyɛ tse dɛ kwan a yɛdze hɛnho si hɔ boa binom ara pɛr.”5

Susu Iyi

  1. Mpaabɔ besi dɛn botum egya hɛn ma yɛayɛ edwindadze wɔ Ewuradze ne nsa mu?

  2. Yɛrosom binom besi dɛn botum aboa hɛn ma yesie hɛn ahyɛmudzi?

Nsɛnsin

  1. Thomas S. Monson, “What Have I Done for Someone Today?” Liahona, Ɔberɛfɛw 2009, 86.

  2. Linda K. Burton, “First Observe, Then Serve,” Liahona, Ɔberɛfɛw 2012, 78, 80.

  3. David L. Beck, “Your Sacred Duty to Minister,” Liahona, Esusow Aketseaba 2013, 56.

  4. Lucy Meserve Smith, wɔ Daughters in My Kingdom: The History and Work of Relief Society (2011), 36–37.

  5. George Albert Smith, wɔ Daughters in My Kingdom, 77.© 2014 odzi wɔ Intellectual Reserve, Inc. Wɔakora do tumdzi nyina. USA na wotsintsimii. English approval: 6/14. Translation approval: 6/14. Visiting Teaching Message, June 2014. Fante. 10866 502 ne nkyerɛasee