iTabagone
E Rawa Beka niu Taleitaka na Tuvayaca Vakamatanivola?
E vakaitikotiko mai Veracruz e Mexico o koya e vola.
Au a vakaitavi ena takete ni neitou iteki me tuvai vakamatanivola e 50,000 na yaca. A dredre taumada. Ena vica vata na gauna na iwasewase au lavetaka e dredre na kena kilai na volavola, ka so na gauna au vinakata meu vakasuka ka lavetaka e dua tale. Ia au qai kila kevaka ena vaqori na vakasama ni tamata kecega, era na qai biu tu me iotioti na iwasewase oqori. Au rawa ni raica e vica vata na laini tamata era wawa tu mai na vuravura ni yalo, kau mani lewa meu tovolea tikoga meu wilika na yaca eso oqori ka volai ira vakadodonu.
Au a vulica meu lomani ira na tamata oqori. Au kila ni ra gadreva vakaidina sara na veivuke, ka da gadreva talega na nodra veivuke. Sa yaco meu kila vakavinaka cake ni nona ituvatuva uasivi sara na Tamada Vakalomalagi e nanumi kina na tamata kecega. Ni da muria na nodra veivakauqeti kei na idusidusi na Nona iliuliu digitaki, eda na vakadinadinataka na Nona loloma cecere ka tawayalani.
Sa dua na gauna totoka vei au na gauna ni tuvayaca vakamatanivola Au vulica meu vakabibitaka ka taleitaka e vuqa na ka me baleta na tuva kawa. Au rawata talega mai vua na noda Turaga na isolisoli yaga vakalevu ena noqu talairawarawa ena so na ka rawarawa sara me vaka na vakaitavi ena tuvayaca vakamatanivola.