Mwet Fuhsr
Kuh Nga Kuh in Engan in Sihmihs inen Mwet uh?
Mwet sihmihs sac el muhta Veracruz, Mexico.
Nga wi ke oruh ke finsrak luhn stek uh in tahkihn ine 50,000. Mutwacwaciyac ah upac. Ke kais kuhtuh pacl uh un inen mwet nga downloadiyac ah upac in ritiyuck muhtuhn paholos, ac kuhtuh pacl uh nga ke fohlohkohnlah ac downloadi sie sahyac. Tuhsruhktuh nga akihlacnwack lah fin mwet nuh kwewa nuhnkuh oacna, inen mwet ingacn fah an ne tok. Nga kuh in motko lain in mwet puhs tuhpan ke facluh luhn nguhn, ac nga sulaclah in tahfwelah srihke in riti ine ingacn ac suhmuhslah in tiac tahfonglac.
Nga lotwelah in oasr luhngse luhk nuh sin mwet ingacn. Nga kahlwem kac lah elos enenuh na pwacye kahsruh, ac kuht enenuh pac kahsruh selos. Nga etwaclah wo lah plwacn fas luhn Pahpah Lucng nuhnkuh ke mwet nuh kwewa. Ke kuht ukwe mokleyuck ac ahkuhtweyac luhn mwet kol sollac Lal uh, kuht ac fah lohoh ke pahkotwen ac luhngse wacngihn sahflah Lal.
Sihmihs inen mwet uh oruh sie ohiyac na wowo nuh sihk. Nga etwaclah in seko ac luhngse ma pucspucs ke sramsram mahtuh luhn sucu. Nga eis pac mwe sang ke ma sacohk yohk sin Leum lasr ke ahkosyacn ma fihsracsr oacna in wi sihmihs ke inen mwet uh.