Pweng ke Forfor Luti, Jun 2014
Misin Muhtahl luhn Jisus Kraist: Mwet Luti
Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lowos Kacl ac ahkinsewowoye mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Ke kuht mwet luti nuh sin mwet sahyac uh, kuht oruh mwet ukwe na pwacye luhn Jisus Kraist, suc akiyac mwe srihkasrak nuh sesr. Prestuhn Thomas S. Monson el fahk: “Kuht rauniyuckyak selos suc enenuh. … Kuht pa poun Leum inge fin facluh uh, ke kunohkohn se in kuhlwacnsap ac sruhk tuhlihk Nahtuhl uh.1
Linda K. Burton, prestuhn luhlahp luhn Rilif Sosaiti, el luti: “Ke ahkpah, kais sie sesr kuh in oruh yohk in oacna Mwet Lahngo ke kuht kuhlwacnsapuh tuhlihk nuhtin God. In kahsrwe kuht in wo [mwet luti nuh] sin sie sin sie, nga luhngse fahk ke kahs ahkosr in esamyac: ‘Intein met, na kuhlwacnsap.’ … Ke kuht oruh ohinge uh, kuht liyacacng olweacng, ac kuhlwacnsap lasr, ma oacna Prestuhn Monson uh, fah oruh ahkpwacyei ke ohiyacn mwet tuhma lutlut lasr uh.”2
Kuht kuh in pruhe ke kais sie lututacng in akihlen pacl wowo in kuhlwacnsapuh mwet sahyac. “Pahpah Lucng lac fah kol kom, ac lipufacn uh fah kahsrwe kom,” David L. Beck, prestuhn luhlahp luhn Mukul Fuhsr el fahk. “Ac fah utuckoht nuh sum kuh in ahkinsewowoye moul ac molwelah nguhna uh.”3
Ke Ma Suhmuhslah uh
Ke Sramsram Mahtuh Lasr
Ke toeni luhlahp ke Ohktohpa 1856, Prestuhn Brigham Young (1801–77) el tuhkahkihn lah paiyonir ma pahtpaht kuruma ah srackna fahsr tuhkuh ke acn tuhpahsrpahsr ac lah mwet nuh kwewa in tuh suhlahklahk kahsruh orwacni kuhfa nuh selos. Lucy Meserve Smith el suhmuhslah lah muhtwacn uh “sahruhklah sikuct lalos [sikuct luhlahp], stakihn, ac ma nuh kwewa elos kuh in kahsruh kac, insac lun Lohm Alu sac, ac yolsacni nuh lun kuruma ah.”
Ke paiyonir pain moliyucklac ah muhtwacwacack fihli Salt Lake City ah, Lucy el suhmuhslah, “nga tiac wi eis yohk … insewowo ke kuhtwena orekma nga oruh ke moul luhk uh, kain insese luhn puhla se kuhtanglah. Nga enenuh na in som nuh ke stoh ah ac oruh in etweyuck luhngse luhk; fin pa pohloh nuknuk se, ac srihkeyucki in tiac moliyuck.”4
Prestuhn George Albert Smith (1870–1951) el fahk ke oruh mwet luti nuh sin mwet sahyac: “Engan ma pahtpaht lasr uh fah tuhkuh fal nuh ke ohiyac ma kuht eis kuhtyang in kahsruh mwet sahyac.”5
Nuhnkuh Ma Se Inge
-
Pruhe uh ac kol kuht fuhkah in oruh mwe orekma nuh in poun Leum?
-
Oruh mwet luti nuh sin mwet sahyac uh kahsrwe kuht fuhkah in liyacacng olweacng lasr uh?
© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn Visiting Teaching Message, June 2014. Kosraean. 10866 868