Ngeasek
Ngak ak locha mo soak el mengetmokl a Ngklir a rechad?
A milluches a kiei er a Veracruz, Mexico.
Ak mle ulsiseb er a urerel a moktek er a ikelesia er kemam el mo mengetmokl a 50,000 el ngakl. Se er a uchelel e ng mle meringel. Ng mla er ngii a bebil er a taem ea ikel kultobed er a computer a mle meringel a donguiu a llechukl el ngar er ngii, me a le bebil er a taem eng mo soak el olutii e melai er a ngodech. Eng di ak mlo melchesuar a lsekum e a rebek el chad a mo omdasu el uaisei, e a ikang a di mo cheloit el mo er a ulebongel. A ko er a mlo melbedebek er tirkel chad el mengiil el ngara belurir a redeleb, me ak tilbir el mo melemolem el melasem el menguiu aikel ngakl e meluches el diak cheuid.
Ak mlo meduch el oubeltikelreng el mo er tirkaikid el chad. Ak mlo medengei el kmo te meral ulesbech a ngeseu, me kid a dirrek el ousbech a ngesou er tir. Ak mlo ungil medengelii sel moktek er a Demad er a Babeluades er a ngeiul a rokui el chad el nga er a uldaso er a telbiil. Me se el bo doltirakl er a ulekrael me a osisecheklir a remlengilt er Ngii el oungerachel, e kede mo mesa a klechubechub er Ngii me se el diak el ngemed el belkitelreng.
A omngetmeklel a ngklir a rechad a kmal mle ungil el tekoi el ngak a siliseb er ngii. Ak silubii a klungiolel me a beltik el reng er a betok el telengtengil a reksi er a telungalek. Ak dirrek el mlo uker a meklou a belkul klengeltengat er a Rubak er a otireklel a ta er a tekoi el beot el ua omengetmeklel a ngklir ar chad.