Klumech er a Oldingel e Olisechakl, Ongelolem el buil 2014

Chedaol el Urerel a Jesus Kristo: Omesiou

Bom ngara nglunguuch e msuubii tial klumech e mosiik el kmo ngera ke mo ouchais. Ng mekera klemedengei er kau er a klengar me a urerel Osobel a le choisisii a klaumera er kau er Ngii e omekngeltengat er tirkel momes er tir lokiu odingel me a olisechakl? A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeseu

Me sel dosiou er a rebebil, e kid a mera el oltirakl er a Jesus Kristo, el ngii a milskid a okesiu. President Thomas S. Monson a millekoi: “Kid a di iliuekl er a rebetok a ngelsengesir. … Kid a chimal a Rubak er tial beluulechad, loba ngerachel el mo mesiou e mesebechakl er a Rengelekel.”¹

Linda K. Burton, el merredel er a cherrengelel a Relief Society, a ulsisechakl: “Ngokiu a omeruul er a bek el sils, e a derta er kid a sebechel merael el mo uai a Osobel sel dosiou er a rengelekel a Dios. A mo ngosukid el mo ungil [mesiou er a] ta me a tang, eng soak el mo kmu eua el tekoi el bo dolbedebek: ‘A kot e momes, e bochu mosiou.’ … Sel bo doruul el uaisei, e kede oltirakl a telbiil, e a omesiou el de ngarngii, el di uai a President Monson, a mo olchotel se el otirekled.”²

Ng sebeched el meluluuch er a bek el tutau el mo mes a techall el mo mesiou er a rebebil. “A Chedam er a Babeluades a mo omekrael er kau, e a re angel a mo olngeseu er kau,” ng millekoi a David L. Beck, el merredel er a cherrengelel a Young Men. “Ke monguu a klisiich el mo omekngeltengat a klengar e olsobel er a rechad.”³

Nga er a Chedaol Llechukl

Mateus 20:25–28; 1 Nephi 11:27–28; 3 Nephi 28:18

Nga er a Reksi er Kid

Nga er sel October 1856 el klou el ongdibel, e a President Brigham Young (1801–77) a uluchais el kmo a ruchelel a ikelesia el uleldubech a kuruma a dirk mirrael loleong a ked me a rokui el chad a mlo olngeseu er a mereched el taem el mengudel a lousbech el klalo. A Lucy Meserve Smith a milluches el kmo a remeklou el redil a “a mildobed a chelsel a sailengir [meklou el chelsel a saiang], stockings, me a rokui el tir a sebechir lodars, er a le ngara chelsel a Tabernacle, e [chiludel] er a chelsel a kareta.”

Me se er a le mermang tirka el mla mosobel el kot el chad el siliseb er a Salt Lake City, e a Lucy a milluches el kmo, “Ng dimlak a tang mel blo el imis … lungil a renguk er a ngii di el ureor el blek relii er a klengar er ngak, ngua dil ble el beot a renguk el kutmokl. Ak kuk di mo er a stouang e ouchais a soak; alsekum eng mamed, e ng miltuk a klemengetel e dimlak locheraol.”⁴

A President George Albert Smith (1870–1951) a dilii tiang el kirel omesiou el mo er a rebebil: “Se el mo telkelel a diak a ulebengelel deuil a rengud a di ultuil er a blakelreng er a siunged el mo er a rebebil.”⁵

Ka Bo Momdasu er Tiang

Ng mekerang nglunguuch e mekrolid el mo dongu er a chimal a Rubak?
Ng mekera a omesiou el mo er a rebebil le ngosukid el mo otirakl a telbiled?