Mulwol ni Ngan Fil ni Ngan Nang, July 2014
Thabi Ga’ e Murwel rok Yesus Kristus: Ta’ayuw
Fil e thin ney u fithik e meybil nge sap ni nge nang mang gabe share nag. Ke urrogon ga ma nang fan fare fas’ nge muruwel Rok’ fare Tathapeg ga’nag mich rom Ngak nge Tawa’ath cha’nem ga ma damite’eg u dakean ngan fil ni ngan nang? Ra tin ni ga ba’adag ni ngam nang, man ko reliefsociety.lds.org.
Mich,Tabinaew, Ayuw
Yesus Kristus e ir ma wenig nagdad ko Chitimangiydad. Re thin ni Ta’ayuwu mariken e ma yib rok e thin nu Latin ni be yip fan “cha’ nibe wenig nag ni fan bee’.”1 En tathepag e ma wenig ni fandad, nu dakaen e nang fan, mataw, nge wurengaen’. E llowaen’ ney e rayog ni nge sug ngodad ko t’ufeg nge magaer ni fan e Bayul Rok.
“Motoyil ngak [Yesus Kristus] ni ire Ta’ayuw rodad ngak en Chitamangdad, ni ire ma wenig nag e gin rodad u’mon—
“Ni ga’ar: Chitamag, musap ko pi gafgow nge yam’ rok facha’ ni de denen nag, ni ir kam fal’flan’ ngak; musap fare racha’en e Fakam ni kan pu’oeg, fare racha’ rok fa cha’an ni kam pii’ ngak ni nge yoeg ni ngan dag e fla’ab rom;
“Ere, Chitimag, wenig ni ngam thapeg pi cha’ney nib michaen’ nga dakaen fithingag, ni nge yoeg ni ngar baed ngog min athapeg e yafos ni manemus” (D&C 45:3–5).
Marunga’agen Kristus ni Ta’ayuw rodad, Elder D. Todd Christofferson ko fare Mo’olung ko fare Ragag nge L’agruw e Apostles ke yoeg: “Be ga’ fan u wun’ug, ni dem turug e ngiyal’ ma dem turug e tafen rayog nggu chugur nga fare gil’ nib thothup nu dakaen e meybil, ma Chitimag nu Tharimy ra rung’ag e meybil rog, ni Ta’ayuw rog, facha’ ni de rin’ e denen, ni ke pu’og racha’en, e ra wenig e ti rog.”2
Keb ko pi Chep nib Thothup
Mosiah 15:8–9; Moroni 7:28; Doctrine and Covenants 29:5; 110:4
Cheppin Rodad
Kakrom mada’ ko chiney u Galasia rok Somoel, gachalpen nib ppin ku Yesus Kristus kar leked e rungin Rok. Esther e reb e ta’ayuw nib michaen’uy nib madang’dang. Cousin rok ni Mordecai ke lo’eg ngak e babyor rok fare pilung ni fapi Jew e ngari gathay nag, ma ke wenig ngak ni nge “wenig nagrad girdi’en ngak fare pilung nge runguyrad.” Ke ul’ul’: “Mini’ e manang-sana bochan e ngiyal’n’ey nra taw ngay ma aram fan nim mang queen!” (Esther 4:8, 14).
Dariy’ fan ni nge yoeg e mogothgoth ngak ni nge ayuweg e gidii’ rok, Ester ke yoeg amrogon: “Ma nga tomuren e bay gu wan ngak fare pilung, ni yugu aram rogon ni ba togopluw ko motochiyel. Fa’anra thingar gum’ ni bochan e ren’ey ni kug rin’, me ere kefel’ nggum’.” (Esther 4:16).
Ke non ester nib sobutaen’ rogon ngak fare pilung, me “pag ir nga but u rifrifen ay ni be yor. Ma be wenig ngak … ngam siyeg e tin … ni fan e nge mathmit gubin e Jew.” Me puthuy, “Bu uw rogon i lubeg rog e biney e riya’ ni nge aw ko tirog e girdi’, ni ngan thang owcharad?” (Muguy Esther 8:3, 5–6). Fare pilung e murnguy gumi’rcha’ey, me pii’ fare ayuw ngak ni ke ning.3
© 2014 rok Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/14. Micheg nag i pilyeg: 6/14. Pilyeg thin ko Visiting Teaching Message, July 2014. Yapese. 10867 905
Mu Fana’ e Biney
Bu’uw rogon ni wenig rok Yesus Kristus e ra yog ni nge ayuwegdad n’ag fan mab fulweg ngak bee’?