Fal’ Yangren
Fini kug Nang e Titaw Rog
Cha’ney e ma paer u Virginia, USA.
Ko reb e Young Women project rog, kug un nggu ayuweg e titaw rog ni nge pireg boch e likegal rog nggu sap nigew ngak bochi babyor ko microfilms u family history center u Mesa, Arizona, USA. Nap’an ni kug pirew u tabiyang min gay marngagan e tabinaew romow kug lemnag: “Urfana gumanang yo’or marunga’agen e titaw rog ney nib bayu chireg?”
Kug piriegew boch e chongin e tabinaew, mug fal’egew babyoranrad, mug ranow nga Mesa Arizona Temple nggu unew ko tawfe nge athapeg e Kan Thothup roraed. De n’uw nap’an, ke pii’ e titaw rog ngog babyor ni kunuy bochi chepin e Tabinaew rok.
Bachan nibe gafuguw ko rheumatoid arthritis, riba gafugow rarogon e titaw rog ni nge type nag. Ri gu ba’adag ningu ayuweg ir ko computer. U ta’abang, gu yoloey nigew pi chepin e yafos rok ni nge gel nag e michaen’ ko tabinaw romow. Guba’ adag ni bay rogog nga lan e yafos rok ma kug fil rogon chepin e galasia ni kakorom nap’an ni gomow be murwel u ta’abang ko ren’ey.