Lamharon
Pagkilala sang Akon Lola
Ang tagsulat nagaistar na karon sa Virginia, Estados Unidos sang Amerika.
Para sa isa sang akon mga proyekto sa Young Women, nagboluntaryo ako nga magbulig sa akon lola sa pagpangita sang iya mga katigulangan paagi sa pagbasa sang madamo nga mga panid sang microfilm sa family history center sa Mesa, Arizona, USA. Samtang tupad kami nga nagapungko kag nagapangita sa amon mga himata, nagpamensar ako: “Kilala ko gid bala ang akon lola nga yara sa akon tupad?”
Madamo kami sing nakita nga mga miyembro sang pamilya, ginhanda ang ila mga impormasyon, kag nagkadto sa Mesa Arizona Temple agud maghikot sang ila bunyag kag kumpirmasyon. Wala madugayi pagkatapos sadto, ang akon lola ngahatag sa akon sang nabugkos nga koleksyon sang iya family history.
Bangud nagaantus sia sa rayuma, masakit kaayo para sa akon lola ang magmakinilya. Nalipay ako magbulig sa iya sa computer. Magkaupod namon nga ginasulat ang mga istorya gikan sa iya kabuhi para sa espirituhanon nga kaayuhan sang amon pamilya. Nanamian ako nga mangin kabahin sang iya kabuhi kag magtuon sing madamo kaayo parte sa kasaysayan sang Simbahan sa amon pagbuligay sa sining mga proyekto.