Ngo-2014
Umsebenzi Ongcwele kaJesu Kristu: uMesiya
Agasti 2014

Umlayezo Wokufundisa Ngokuvakasha, u-Agasti 2014

Umsebenzi Ongcwele kaJesu Kristu: uMesiya

Ngomkhuleko funda lombhalo futhi ufune ukwazi ngalokho ongabelana ngakho. Ukuzwisisa impilo kanye nomsebenzi woMsindisi kuzakhulisa kanjani ukholo lwakho kuYena futhi kubusise kanjani labo obaqaphile ngokufundisa ngokuvakasha. Ukuthola ulwazi oluningi ngalokhu, iya ku reliefsociety.lds.org.

Ukholo • Umndeni • Inkululeko

Imibhalo ifundisa ukuthi singahlala ebukhoneni bukaNkulunkulu “ngezimfanelo, nesihawu kanye nomusa kaMesiya oNgcwele” (2 Nefi 2:8). UMesiya yi “gama lesi-Aramu kanye nesiHebheru elisho ukuthi ‘ogcotshiwe.’ … KwiThestamente eliSha uJesu ubizwa ngoKristu, okulinganiswa ngesiGriki nokuthi Mesiya. Kusho ukuthi ogcotshiweyo uMprofethi, umFundisi, iNkosi kanye noMkhululi.”1

Igosa uJeffrey R. Holland womGwamanda wabaPhostoli abayiShumi namBili wafakaza: Ngiyazi [uJesu Kristu] Unguye oNgcwele wakwaIsrayeli, uMesiya ozobuya ngelinye ilanga eze ngodumo lokugcina, ezobusa emhlabeni njengeNkosi yamaKhosi. Ngiyazi ukuthi alikho elinye igama elinikezwe ngaphansi kwezulu elingasindisa indoda [noma umfazi].”2

“[UJesu Kristu] nguMsindisi kanye nomHlengi womhlaba,” kwasho uMongameli Dieter F. Uchtdorf, iKhansela lesiBili kubuMongameli bokuQala. “Nguye uMesiya othenjisiwe. Waphila impilo elungile futhi wahlawulela izono zethu. Uzohlala eseduzane nathi. Uzosilwela izimpi zethu. Uyithemba lethu; Uyinsindiso yethu; Uyindlela.”3

Eminye imiBhalo eNgcwele

uJohane 1:38–41; 4:25–26, 40–42; 2 uNefi 6:13; 25:16–17

Kuvela emBhalweni eNgcwele

Abafundi besifazane bakaKristu babe ngabafakazi bendima Yakhe njengoMesiya. UMariya Magdeline wayengumfundi kaJesu Kristu. Wayengowokuqala ukubona “ilitshe lisusiwe ngaphambi kwethuna” ekuseni kwalolo Vuko lukaKristu. Yena “wama ngaphandle kwethuna ekhala” ngemva kokubona ukuthi umzimba Wakhe wawungasekho ethuneni.

Bese “wajika wabheka emuva, futhi wabona uJesu emile, kodwa azange azi ukuthi kwakunguJesu.”

“UJesu wathi kuye, Mfazi, ukhalelani? ufuna bani? Yena, ecabanga ukuthi ngumuntu onakekela ingadi, wathi kuye, Mnumzane, uma ngabe umsusile lapha, ngitshele ukuthi umbeke kuphi, futhi ngizomthatha ngihambe naye.

“UJesu wathi kuye, Mariya. Waphenduka, futhi wathi kuye, Rabboni; okusho ukuthi, Nkosi.” UMariya wabona ukuthi akusinguye umuntu onakekela ingadi kodwa kwakunguJesu Kristu, uMesiya. (Bona uJohane 20:1–17.)

© 2014 by Intellectual Reserve, Inc. All rights reserved. Printed in USA. Isingisi esivunyelwe: 6/14. Ukuhumusha okuvunyiwe: 6/14. Ukuhumushwa ko Visiting Teaching Message, August 2014. Zulu. 10868 783

Amanothi

  1. Ukwalulekwa ngemiBhalo, “Mesiya”; scriptures.lds.org.

  2. uJeffrey R. Holland, “Yena Yedwa uNkulunkulu weQiniso kanye noJesu Kristu loyo othunywe nguye,” iLiyahona, ngoNov. 2007, 42.

  3.  uDieter F. Uchtdorf, “Indlela Yomlandeli,” iLiyahona, uMeyi 2009, 78.

Cabanga Ngalokhu

Kubaluleke kangakanani ukuqonda indima yoMsindisi njengoMesiya?

Shicilela