Mga Kausaban sa Debosyonal alang sa Young Adult Magsugod sa Enero

Ang Unang Kapangulohan ug ang Church Board of Education mipahibalo sa mga kausaban sa kasagad [frequency], dapit, ug sa pagmantala sa mga debosyonal alang sa mga young adult, sugod Enero 2015. Ang mga kausaban naglakip sa:

Pangalan: Tibuok Kalibutan nga Debosyonal alang sa mga Young Adult: Usa ka Gabii uban ni (pangalan sa mamumulong).

Kasagad: Katulo sa usa ka tuig, sa ikaduhang Dominggo sa Enero, unang Dominggo sa Mayo, ug ikaduhang Dominggo sa Septyembre.

Mananan-aw: Tanang mga young adult, mga minyo ug dili minyo, gidapit sa pagtambong. Mga estudyante nga padulong human sa high school o ang katugbang niini gidapit usab sa pagtambong.

Mga Dapit: Ang Enero nga mga debosyonal pagahimoon sa Brigham Young University sa Provo, Utah; sa BYU–Idaho; o sa BYU–Hawaii. Ang Mayo nga mga debosyonal pagahimoon sa Conference Center sa Siyudad sa Salt Lake o sa ubang mga site sa punoang buhatan sa Simbahan. Ang Septyembre nga mga debosyonal pagahimoon sa laing dapit sa Estados Unidos.

Pagmantala: Sulod sa pipila ka adlaw human sa matag debosyonal, ang mga pakigpulong diha sa teksto, mga format sa audio ug video maanaa na sa Iningles sa LDS.org ug sa Gospel Library app, sa usa ka bag-o nga koleksyon sa Young Adult. Ang mga bersyon sa pinulongan mosunod. Ang mga summary sa pakigpulong ilakip diha sa Liahona, ug lain-laing mga kinutlo sa teksto, mga kinutlo sa litrato (memes), ug importanting mga bahin sa video imantala usab nga live ug human sa debosyonal pinaagi sa mga social media channel sa Simbahan, lakip ang pihong sosyal nga mga pahina sa mamumulong.

Ang mga mamumulong padayon nga pilion sa Unang Kapangulohan gikan sa mga General Authority ug kinatibuk-ang mga opisyales sa Simbahan.

Ang mga kausaban gipahibalo ngadto sa mga young adult atol sa debosyonal sa CES niadtong Nobyembre 2, 2014, ug ang mga lider sa priesthood niadtong Agosto 28, 2014, sulat sa Unang Kapangulohan nga naglakip sa 2015 nga Iskedyul sa Sibya.

Mga young adult nga maminaw sa pakigpulong sa debosyonal sa Marriott Center sa Brigham Young University sa Provo, Utah, USA.

Gilitratohan ni Scott G Winterton, Deseret News