Ang Tabang Anaa na Niadtong Naapektuhan sa Pagkaadik sa Usa ka Minahal

Ang mga kapikas ug mga pamilya nga naapektuhan sa kinaiya sa pagkaadik sa usa ka minahal makagamit sa bag-ong giya diha sa internet aron makakita og tabang, paglaum, ug pagkaayo.

Ang Spouse and Family Support Guide, nga anaa sa AddictionRecovery.lds.org, gituyo aron sa pagtabang sa mga kapikas ug mga sakop sa pamilya nga maayo gikan sa mga kasakit nga ilang nasinati tungod sa kinaiya sa pagkaadik sa ilang minahal nga nagumon sa drugas, alkohol, pornograpiya, o uban pang makadaot nga mga butang o naandang binuhatan. Agig dugang sa Iningles, kini sa dili madugay maanaa sa Spanish, Portuguese, French, Italian, German, Russian, Chinese, Japanese, ug Korean.

Ang giya gibahin ngadto sa 12 ka mga seksyon nga nagtutok sa pagkaayo, pagdugang og paglaum, ug pagkakaplag og kalig-on pinaagi ni Jesukristo.

Daghang praktikal nga mga sugyot ang anaa, sama sa kon unsaon paghimo og mga limitasyon ug lagda, unsaon sa paghisgot ang pagkaadik ug pagkaayo sa usa ka minahal, ug unsaon sa hustong paagi pagdumala kon mograbe.

Ang giya gigamit sa diskusyon sa kompidensyal nga mga support group meeting sa kapikas ug pamilya nga gitanyag sa LDS Family Services. Kini mahimong gamiton usab sa personal nga pagtuon o gamiton sa mga lider sa Simbahan kon mag-interbyu ug magtambag.