Maʻu atu e Tokoni kiate Kinautolu ʻoku Uesia ʻi he Maʻunimā ha Taha ʻOkU nau ʻOfa Ai.

ʻE lava ke maʻu ʻe he ngaahi mali pe fāmili ʻoku uesia ʻi he ʻulungaanga maʻunimā ʻo ha taha ʻoku nau ʻofa ai ha fakahinohino foʻou ʻi he ngaluopé ke maʻu ha tokoni, ʻamanaki lelei, mo e fakamoʻui.

ʻOku fakataumuʻa ʻa e The Spouse and Family Support Guide, ʻi he AddictionRecovery.lds.org, ke tokoni ʻi Makehe mei he lea faka-Pilitāniá, ʻe vavé ni pē ʻa hono maʻu atu ʻi he lea faka-Sipeiní, Potukalí, Falaniseé, ʻĪtalí, Siamané, Lūsiá, faka-Siainá, Siapaní mo e Kōleá.

ʻOku vahevahe ʻa e fakahinohinó ki ha ngaahi konga ʻe 12 ʻo tokanga taha ki he fakamoʻuí, fakatupulaki ʻa e ʻamanaki leleí, mo e maʻu ʻo e mālohi ʻo fakafou ʻia Sīsū Kalaisí.

ʻOku lahi mo ha ngaahi fokotuʻu fakapotopoto ʻoku ʻoatu ai, hangē ko e founga ke fokotuʻu ʻa e ngaahi fakangatangatá mo e ngaahi tuʻutuʻuní, founga ke aleaʻi ʻa e maʻunimaá mo e fakaakeake mo ha taha ne ʻofa ai, mo e founga ke tali totonu ki hano toe fai ia.

ʻOku fakaʻaongaʻi ʻa e fakahinohinó ki he fealeaʻakí ʻi ha ngaahi fakataha fūfūnaki fakakulupu ke faitokonia e nofomalí mo e fāmilí ʻi he tokoni ʻa e LDS Family Services. ʻE lava foki ke fakaʻaongaʻi ia ʻe he kau taki e Siasí he taimi ʻinitaviú mo e fai ʻo ha talatalaifalé.