Agtutubo
Panagbalbaliw ti Pusok
Agnanaed ti nagsurat iti Fortaleza, Brazil.
Idi umuna a nasursurok maipapan ti naisubli nga ebanghelio ni Jesucristo, nariknak ti Espiritu a nagpaneknek iti kinapudno daytoy. Babaen ti kararag, nagbalin a napudpudno ti pammaneknekko, ket inkeddengko ti agpabuniag.
Nabiit kalpasan ti panagbuniagko, nangrugi a nagsaludsod kaniak dagiti tao iti wardko no kasano ti riknak maipapan iti panagserbi iti mision. Kinapudnona, diak ammo idi no ania ti sawek. Kasla nakakatkatawa ti ideya a panangpanaw iti pamiliak ken isardeng ti panagadalko tapno agserbiak iti mision.
Kalpasanna iti maysa nga aldaw pinampanunotko maipapan iti conversionko. Nalagipko dagiti misionario a nangisuro kaniak, a siaanus a nangsungbat kadagiti saludsodko ken nangtulong kaniak tapno maawatak ti ebanghelio. Naamirisko a no awan ti tulongda, diak koma iti kaano man natakuatan ti pudno a Simbaan. Apaman a naaramidko dayta a panangamiris, nagbukar iti pusok ti tarigagay nga agserbi. Mariknak ti Espiritu a mangibagbaga kaniak a nasken nga agserbiak iti full-time a mision.
Ammok a ti aramid ti misionario ket aramid ti Nailangitan nga Amatayo ken makatulongtayo a mangisangbay kadagiti kararua iti nakaskasdaaw a pannakaammo ti naisubli nga ebanghelio.