Mbabun
Nkonyimdzi wɔ Jesus Christ mu.
Nna mowɔ ɔhaw wɔ edzidzi mbordo ho. M’edzidzi ntoatoado no maa m’adwen buu me fɔ pii, ɔbɛyɛɛ me atseetsee, na ɔsɛɛ m’enyidado. Aber biara a mebɛper dɛ mebɛhyɛ mo ho do wɔ mehaw yi do no, ahomberɛw amma menntum.
Mber tsentsen mu no mubuu m’enyi guu nokwar no do dɛ Agyenkwa No Werdambɔ no nngye hɛn nkwa nko, na mbom so ɔpon hɛn na ɔma hɛn emudzi, ma mpo nhyehyɛɛ no kã m’edzidzi mbordo suban no so.
Meyɛɛ m’adwen dɛ medze moho bɛma m’Agyenkwa no. Mobɔɔ mpaa medze nokwar gyee me mberɛwyɛ na adom a mihia too mu, afei mibisaa Ɔsor Egya dɛ Ɔmfa Ne nyamesu mboa no nhyira me wɔ nda a ɔreba no mu. Dɛm anafua no, minyaa Egya a ɔwɔ dɔ no ne faduasi dɛ Ɔwɔ pɛ kɛse a yenntum nnker dze boa Ne ba no na tum a ekyingye nnyi ho ma ɔdze wie Ne pɛ yɛ no.
Ofitisi dɛm anafua no, edziban ennya mo do tum dzendzendzen bio. Minyin dɛ Jesus Christ nye mo konyimdzi ne farbaa. Dɛ mbrɛ Paul tse no, murosũa dɛ “Mutum adze nyina yɛ wɔ Christ a ɔhyɛ dzen no mu.” (Philippifo 4:13). Na morobɔ mbɔdzen dɛ mo werɛ nnkefir esũadze kor so fi Paul hɔ “Na ndaase nkã Nyankopɔn a ɔnam hɛn Ewuradze Jesus Christ do ma hɛn konyim” (1 Corinthfo 15:57).