Agtutubo
Balligi babaen ken ni Jesucristo
Adda parikutko iti nalabes a pannangan. Ti madagdagullit a pannanganko iti nalabes ket nagbanag iti napalalo pannakasidir ti nakem, pannakapaay, ken pannakaupay. Nariknak nga agkapsutak unay idi pinadasko a parkmeken ti parikutko
Iti uneg ti nabayag a panawen naliwayak ti kinapudno a saan laeng nga isalakannatayo ti Pannubbot ti Mangisalakan no di ketsubbotennatayo pay ken pagbalinennatayo a perpekto, ken mausar pay daytoy iti nakadidillaw amadi a galad a nalabes a pannangan.
Inkeddengko nga ipaayko ti bagik iti Mangisalakanko. Nagkararagak. Sipupudno nga inawatko ti pagkapsutak ken ti panagkasapulak iti parabur, ket kalpasanna indawatko iti Nailangitan nga Ama a bendisionannak iti nadiosan a Tulongna iti kabigatanna. Dayta a rabii nariknak ti pammatalged ti manangayat nga Ama ta naaddaan iti di marukod a tarigagay a mangtulong iti anakna ken iti di mapagduaduaan a bileg a mangipatungpal iti pagayatanna.
Manipud iti dayta a rabii, saanen a nalaus ti panaggagarko a mangan iti adu. Ammok a ni Jesucristo ti gapu ti panagballigik. Kas met laeng ken ni Pablo, masursurok a “Mabalinak dagiti amin a bambanag gapu ken Cristo a mamapigsa kaniak” Taga-Filipos 4:13). Ket ikarkarigatak a saanko a liplipatan uray kaano man ti sabali pay a leksion manipud ken ni Pablo: Agyamanak iti Dios, a nangted kadatayo iti balligi babaen ken ni Apotayo a Jesucristo” (1 Taga Corinto 15:57).