Mensahe ti Umuna a Panguluen, Marso 2015
Nalikmutkadagiti Nadungngo a Takiagna
Kasla kadagiti dadduma , masansan a maparegtadak dagiti napipintas nga aramid ti arte ken musika. Naminsan a gundaway a tinakderak ti nangayed a ladawannga impinta ti maysa a Danish artist a ni Frans Schwarz a napauluan iti The Agony in the Garden.1
Daytoy makasair-rikna a naipinta a ladawan ket ipakpakita na ti Mangisalakan a nakaparintumeng iti Minuyongan ti Getsemani. Bayat ti panagkarkararagna, adda iti abayna ti maysa nga anghel, a nakatengngelKenkuana dagiti nadungngo a takiagna, a mangidiaydiaya iti liwliwa, nailangitan a tulong, ken suporta.
No nabaybayag ti panangut-utobko iti daytoy a naipinta a ladawan,ad-adda met a sumken iti pusok ken panunotko ti saan a mayebkas a rikna ti dungngo ken panagyaman. Mapadasak,uray apagapaman, ti rikna ti kaadda iti asideg ti Mangisalakan bayat ti panangirugi na iti naindaklan a pagleppasan ti aramidna iti mortalidad babaen ti panangakoti Bagina dagiti basbasol ti lubong. Masmasdaawak iti awan patinggana nga ayat ken panangngaasi nga adda iti Ama para kadagiti annakna. Narimbawannak ti nalaus a panagyaman iti inaramid ti awan basolna nga Anak para iti amin a sangkataw-an ken para kaniak.
Ti Sakripisio ti Anak ti Dios
Tunggal tawen iti daytoy a panawen ramrambakan ken ut-utobentayo ti sakripisio nga inaramid ni Jesucristo para iti amin a sangkataw-an.
Ti inaramid ti Mangisalakan para kadatayo manipud iti Getsemani agingga iti Golgotha ket saantayto pulos a maawatan. Inako ti Bagina ti dagensen dagiti basoltayo ket nagbayad iti agnanayon ken napasingkedan a pangsubbot saan laeng a para iti sigud a naglabsingan ni Adan no di ketdi para pay kadagiti basbasol ken naglabsingan dagiti binilbilion a kararua a nagbiagen. Daytoy agnanayon, sagrado a sakripisio ti gapu ti “uray pay Dios, a kaindaklan iti amin, nga aggarigenggen gapu iti saem, ken agdara iti tunggal teterreman, ken agsagaba nga agpada ti bagi ken ti espiritu” (DkK 19:18).
Nagsagaba isuna para kaniak.
Nagsagaba isuna para kadakayo.
Aglippias ti kararuak iti panagyaman no ut-utobek ti napateg a kaipapanan daytoy a sakripisio. Daytoy ti mamagpakumbaba kaniak a mangammo nga amin nga umawat iti daytoy a sagut ket yasidegda ti puspusoda Kenkuana ket mapakawan ken maugasanda kadagiti basbasolda, kasano man ti kinangisit ti mulitda ken kasano man ti kinakaro ti dagensenda.
Makapagbalintayo nga awanan iti mulit ken natarnaw manen Masubbottayo babaen ti agnanayon a sakripisio ti ay-ayatentayo a Mangisalakan.
Asino ti Mangliwliwanto Kadatayo?
Awan man kadatayo ti makapadas ti kinauneg ti sinagaba ti Apotayo, addaanto ti tunggal maysa kadatayo iti bukod a nalidem ken narigat nga oras—panawen a ti leddaang ken ladingittayo ket kasla nakarkaro ngem iti kabaelantayo nga ibturan. Addanto dagiti panawen a ti dagsen ken rigat nga itden ti panagbabawi kadagiti basol tayo ti mangirarem nga awanan iti asi kadatayo.
Nupay kasta, no itag-aytayo ti puspusotayo iti Apo bayat dagitoy a panawen, awan duadua a maammuan ken maawatannanto. Isu a nagsagaba a siaayat para kadatayo iti minuyongan ken iti krus ket dinatay panawan a malidlidayan itan. Papigsaen, patureden, ken bendisionannatayto. Likmutannatayonto kadagiti nadungngo a takiagna.
Ad-addanto isuna ngem iti maysa nga anghel kadatayo.
Isangbaynanto kadatayo ti liwliwa, pannakapaimbag, namnana, ken pannakapakawan.
Gapu ta Isu ti Mannubbottayo.
Ti Mangispal kadatayo.
Ti naasi a Mangisalakantayo ken manaqparabur a Diostayo.
© 2015 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/14. Pannakaanamongna a maipatarus: 6/14. Pannakaipatarus ti First Presidency Message, March 2015. Ilokano. 12583 834
Panangisuro manipud iti daytoy a Mensahe
Sakbay a mangisurokayo, gun-odenyo ti pannarabay ti Espiritu tapno tulongannakayo a mangawat kadagiti umiso a kasapulan dagiti sursuruanyo. Bayat ti panangibinglayyo kadagiti adaw manipud iti mensahe ni Presidente Uchtdorf, mangiburaykayo iti pammaneknek iti Mangisalakan ken ti pangsubbot a sakripisiona. Saludsodenyo kadagiti sursuruanyo no ania ti kaipapanan kadakuada ti Pannubbotna ken no kasano ti nariknada iti liwliwa ti Apo kabayatan dagiti “nalidem ken narigat nga orasda.”