Mensahe iti Visiting Teaching, Marso 2015
Dagiti Kababalin ni Jesucristo: Naunday a Panagitured ken Naanus
Nainkararagan nga adalenyo daytoy a material ken kalikagumanyo nga ammuen no ania ti ibinglayyo. Kasano a ti pannakaawatyo iti biag ken mision ti Mangisalakan ket mangpapigsa iti pammatiyo Kenkuana ken mangparabur kadagiti ay-aywananyo babaen ti visiting teaching? Para iti ad-adu pay nga impormasion, mapan iti reliefsociety.lds.org.
Pammati, Pamilia, Tulong
Ti kinaanus masansan a maipagarup a kas naulimek, awan ganaygayna nga ugali, ngem ni Presidente Dieter F. Uchtdorf, Maikadua a Mamagbaga iti Umuna a Panguluen, kinunana, “Ti panaganus ket saan nga awan ganaygayna a panaglusulos, wenno pannakapaay nga agtignay gapu kadagiti panagamaktayo. Ti kinaanus ket kayatna a sawen a naregta nga agur-uray ken managibtur. Kayatna a sawen a panagtalinaed iti maysa a banag … uray no maitantan dagiti tartarigagayan ti puspusotayo. Ti kinaanus ket saan laeng a panagitured; daytoy ti panagitured a naimbag!”
Iti biagtayo sakbay daytoy a biag, nangisagana ti Nailangitan nga Amatayo iti maysa a plano para kadatayo—nga espiritu nga annakna—ket impukkawtayo ti rag-o iti gundaway nga umay iti daga (kitaen iti Job 38:7). No pilientayo nga isurot ti pagayatantayo iti pagayatanna bayat ti panagbiagtayo iti daga, “aramidenna[tayo] a ramit kadagitiima[na] iti pannakaisalakan ti adu a kararua” (Alma 17:11).
Intuloy ni Presidente Uchtdorf, “Ti kinaanuskayatna a sawen ti panangawat iti dayta saan a mabalbaliwan ken panangsango daytoy nga addaan iti tured, parabur, ken pammati. Kayatna a sawen ti ‘siaayat a mangtungpal iti amin a banag a makita ti Apo a rumbeng nga ipabaklay [kadatayo], kas iti ubing a natulnog iti amana’ [Mosiah 3:19]. Kangrunaanna, ti kinaanus kayatna a sawen ti panagbalin a ‘nakired ken natibker, ken saan a maisin iti panagtungpal kadagiti bilin ti Apo’ [1 Nephi 2:10] tunggal oras ti inaldaw, uray no narigat nga aramiden daytoy.”1
Dagiti Mainayon a Nasantuan a Kasuratan
Manipud kadagiti Nasantuan a Kasuratan
Ibaga dagiti nasantuan a kasuratan kadatayo nga iti biagtayo iti daga, nasken nga “aganustayo kadagiti rigrigattayo, ta adunto ti lak-amen[tayo.]” Impaayannatayo ti Dios iti daytoy makaliwliwa a kari, “Ibturam ida, ta, adtoy, addaak kenka, agingga iti gibus dagiti aldawmo” (DkK 24:8).
Ti sumaganad nga estoria ti Biblia ket pagwadan ti kinaanus ken pammati.
“Ket maysa a babai nga agsagsagaba iti panagbulos ti darana iti uneg ti sangapulo-ket-dua a tawenen … sinagidna ti gayadan ti pagan-anay ni [Cristo] ket naigiddato a nagsardeng ti panagbulos ti darana.
“Ket kinuna ni Jesus, … Adda nangsagid kaniak: ta nariknak nga adda rimmuar a pannakabalin kaniak.
“Ket idi makita ti babai a saan a makalinged, immay ngaagpigpigerger, ket nagrukno iti sanguananna, ket imbagana iti sanguanan dagiti amin nga umili ti gapu ti nangsagidanna kenkuana ken ti pannakaigiddatona a napaimbag.
“Ket isu kinunana, Anakko, ti pammatim pinasalun-atnaka; inkan a sitatalna” (Lucas 8:43–48).
Kas kenkuana, makasaraktayo kadagiti bendision ken liwliwa, ken uray pay pannakapaimbag, no umasidegtayo kenJesucristo—a ti Pannubbotna ket mapaimbagnatayo.
© 2015 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/14. Pannakaanamongna a maipatarus: 6/14. Pannakaipatarus ti Visiting Teaching Message, March 2015. Ilokano. 12583 834
Ibilang Daytoy
Manipud iti pakasaritaan iti Lucas 8, kasano a nagunggonaan ti nabayag a panaganus daytoy a babai ket kalpasanna ti pammatina ken ni Jesucristo?