Mbabun
Obi so Ne Sarah
Ɔkyerɛwfo no tse Utah, USA.
Nna ɔyɛ me dzen dɛ medze dza megye dzi beyi nsɛmbisa tse dɛ “Dɛn ntsi na nnom kɔfẽ?” ano. Nna anoyi ara mema nye dɛ “Ɔyɛ wen dodow” anaa “Memmpɛ ne nkã.”
Dɛn ntsi na nna ɔyɛ me fer? Dɛn ntsi na nna musuro kɛse dɛ mebɛgyina ama dza megye dzi? Afei sɛ mohwɛ ekyir a, munntum nnhu adze pɔkyee a nna musuro. Mbom mekaa ber no a megyaa dɛ murusuma anoyi ara ekyir no.
Da kor bi wɔ me nsɔwdo skuul Ngyerisi Borɔfo adzesũa no, kyerɛkyerɛnyi no kãa dɛ yɛbɔhwɛ TV seneyi bi a minyim dɛ ɔnnyɛ dɛ mobɔhwɛ no. Ber a m’adzesũafo nkaa no dze enyigye bɔɔ ose no, m’adzesũanyi fɛfo Sarah serɛɛ kwan dɛ obotum opuei a.
Ber a kyerɛkyerɛnyi no bisaa no siantsir no, Sarah buaa hɔ-na-ara dɛ, “Osiandɛ meyɛ Mormonyi ntsi na monnhwɛ seneyi a ehuhusɛm wɔ mu no.”
Nna n’akokodur a odzi gyinaa adzesũafo no enyim no yɛ nwanwa. Meda Sarah ase, mo so mosoɛree na medze tsiboa a mu tsew tweɔnee wɔ abow ano kɛpeem dɛ wowie yi.
Ɔsesãa me korakoraa. Mehyɛɛ ase dɛ merekyerɛkyerɛ dza megye dzi ase sen dɛ mobokwetsir dɛ mebɛkã ho asɛm. Dɛm ntsi no, menyaa awerɛhyɛmu wɔ mu mu na medze moho hyɛɛ Asɔr nye skuul dwumadzi mu yie.
Mannkã annkyerɛ Sarah dabiarada dɛ ne fasusu no soom mo bo, mbom mobɔ mbɔdzen dɛ mebɛkyerɛ n’akokodur fasusu no bi. Afei mehu dɛ eyɛ Nyame n’Asɔr krɔnkrɔn nwanwa yi asɔrba no nnyɛ dza ɔyɛ enyitõ koraa. Mowɔ enyidado dɛ, mobodua me fasusu do, ayɛ obi so ne Sarah.