Mwet Fuhsr
Sarah luhn Mwet Se Sahyac
Mwet sihm sac muhta fin acn Utah, USA.
Met, upac nuh sihk in orekmakihn luhlahlfongi luhk ke sie top nuh ke sie kihsen siyuck fihsracsr oacna “Efuh kom tiac nihm kohfi?” Ke pacl somlah ah nga sukok srihpac ma oacna “Mwen laclac” kuh “Nga sruhnga emah an.”
Efuh nga mwekihn kac? Efuh kuh nga sahngweng in oruh ke ma nga luhlahlfongi uh? Esamack ingena, nga tiacna kahlwem kac na pwacye ke ma nga sahngweng kac uh. Tuhsruhk nga esam na pwacye ke nga tui tilac wihkwihk ke sukok srihpac uh.
Sie lwen ah ke high school English class luhk ah, mwet luti sac tuhkahkihn lah kuht ac liye sie petsac ke TV ma nga etuh muh nga tiac enenuh in liye. Ke tuhlihk lutlut sahyac ah kahluhkluhk ke engan, classmate se luhk Sarah el sralwack pahol ac siyuck fin el kuh in som.
Ke mwet luti sac siyuck lah efuh ah, Sarah el topuk ke sie ohiyac na suwohs, “Ke srihpen nga Mormon se ac nga tiac liye petsac ma oasr kahskahs koluk kac.”
Puhlaik lal in tuyak ke kuhlahs sac sun na pwacye. Kuloh nuh sel Sarah, nga tuyak pac ac tifoklac soano lukunumac ke sie nuhnak kahlwem petsac sac in tari.
Nga eklac ma pahtpaht. Nga muhtwacwacack ahkuhtweyac luhlahlfongi luhk uh sahyacn in kahingkihn sifac sacn. Ac ke ma sikyak uh, nga sokwack luhlahlfongi keik sifacna ac wi Alu pacl nuh kwewa ac mukwikwi ke lutlut ah.
Nga tiacna fahk nuh sel Sarah yohk srihpaciyen srihkasrak lal nuh sihk, tuh nga srihke in ukwe srihkasrak lal ke luhlahlfongi. Nga ingena akihlen lah in sie mempucr ke Alu wolacna, muhtahl luhn God pa pwacyena wacngihn ma in mwekihn kac. Nga finsrak tuh ngan kuh, ke srihkasrak luhk, in Sarah luhn sie mwet sahyac.