Pweng ke Forfor Luti, Eprel 2015
Ohiyacn Jisus Kraist: Sahyacn Kuhtasrihk kuh Wosounkacs
Pruhe in lutlutkihn kuhfa inge ac suk in etuh ma in akacsruhi kac. Etuh moul ac misin luhn Mwet Lahngo ac ahkyohkye kuh in luhlahlfongi lom Kacl ac ahkinsewowoye mwet kom liyacacng ke forfor luti uh fuhkah? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
In etuh lah Jisus Kraist El tiac kuhtahsrihk ac wosounkacs fah kahsrwe kuht luhlahlfongi in kampare in ukwe srihkasrak Lal. Elder Joseph B. Wirthlin (1917–2008) ke U luhn Mwet Sap Singucul Luo el fahk: “In kuhtasrihk pa in kikiacp kuh kohllah nuh ke tuhlac. … Sie mwet tiac kuhtasrihk pa sie mwet wowo, mukwikwi suwohs, ac orekma nwacsnwacs, suc moul la ahkkahlwemye ahkpah fihsrwacsr ke insese ke mukwikwi lwen nuh kwewa la nuh ke ip yohk ke suwohswohs. … Nga luhlahlfongi mwe enenuh se nuh sin mempucr ke Alu uh in wacngihn kuhtasrihk kuh in salkweyuck yohk ingena liki pacl sahyac uh ke srihpen mwet puhs facluh tiacna kahlwem ke yohk srihpaciyen ma wo se inge.”1
Ke wosounkacs, Prestuhn Dieter F. Uchtdorf, Mwet in Kahsruh Ahkluo ke Prestuhnsi Se Met, el fahk: “Wacngihn sesr apkuhran in oacna Kraist oacna ke kuht etuh muh kuht enenuh uh. Tuh kuht kena na pwacye in kuhtanglah tahfonglac lasr ac ohiyac se in orekma koluk. Ke insiyacsr ac nguhnasr kuht suk in wolac liki met ah ke kahsruh luhn Iwaclah luhn Jisus Kraist.”2
Kuht etuh lah “kuht fah nuhnuhnkweyuck fal nuh ke mukwikwi lasr uh, kena luhn insiacsr, ac kain in mwet kuht eklac nuh kac uh.”3 Tuh ke kuht kwacfweacng in auliyak, kuht fah eklac nwacsnwacslah—ac “insewowo elos su nasnas insialos: tuh elos fah liye God” (Matthew 5:8).
Ma Suhmuhslah Ituckyang Sahyac
Ke Ma Suhmuhslah uh
Tuhlihk srihsrihk uh tiacna kuhtasrihk. Jisus Kraist El fahk: “Lela tulik srisrik ingacn in tuku nu yuruk ac nimet ikololosi, el su tia eis tokosrai lun God oana sie tulik srisrik, fah koflana ilyak nu loac. … Na el srukak tulik srisrik uh ac filiya paol fin kais sie selos, ac akinsewowoyelosla” (Mark 10:14, 16).
Kraist El oacyacpac luti nuh sin tuhlihk fin acn America ah tukun Srihpsrihpyak Lal ah. Jisus El sapkihn mwet ah in use tuhlihk srihsrihk nahtuhlos ah nuh Yohrohl ac fihlihltahluh infohk ah raunwellah, ac El tu infuhlwac ah; …
… Ac El tuhng, ac mwet uh suhmuhslah kac, ac El eis tuhlihk srihsrihk nahtuhlos an, kais sie, ac ahkinsewowoyeyaclos, ac pruhe nuh sin Pahpah kaclos. …
Ac ke elos ngwetlah in liye elos ngwetwack nuh inkuhsrao, ac elos liye lipufacn uh puhtati liki inkuhsrao oacna ke infulwacn e uh; ac lipufacn uh puhtati ac raunwelah tuhlihk srihsrihk ingacn, ac lipufacn ah lotwelos (Liye 3 Nephi 17:12, 21, 24).
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/14. Ahkkweyeyucklac ke lweng: 1/14 Lwenglah luhn Visiting Teaching Message, April 2015. Kosraean. 12584 868
Motko Ke Ma Inge
Meac kuht kuh in lotwelah ke in tiac kuhtasrihk sin tuhlihk srihsrihk uh? (Liye Mwe kol nuh ke Ma Suhmuhslah, “Guile.”)