Pweng sin Prestuhnsi Se Met, Eprel 2015
Prestuhn Monson el Pahngon ke Puhlaik
Prestuhn Thomas S. Monson el fahk lah kuht apkuhranna in pacl nuh kwewa pahngonyuck in oraclah sulaclah ke kain se kuh siepacna.
In oraclah sulaclah lahlmwetmwet, el fahk, kuht enenuh puhlaik—“puhlaik in fahk moh, puhlaik in fahk ahok. Sulaclah uh oraclah fuhfahsryucsr.”1
Ke ma sihmlac ten inge, Prestuhn Monson el ahkacsmakihnye Mwet Luhlahlfongi ke Lwen-sahflah uh lah elos enenuh puhlaik in tu ke ma pwacye ac suwohswohs, in loangwelah ma elos luhlahlfongi, ac in tulokihn sie facluh ma lain ma yohk srihpac ma pahtpaht ac ip yohk uh.
“Pahng nuh ke puhlaik tuhkuh pacl nuh kwewa nuh sesr kais sie,” el fahk. “Ma inge nuh pwacye na, ac fah pwacye na pacl nuh kwewa.”2
Puhlaik uh Use Ahkkweye luhn God
“Kuht nohfohn fah sun sahngweng, puhlakihn ahkkoluk, ac sun ma siena uh. Lwelah kuht—kuht nohfohn—in puhlaik in mukwikwi siena liki nuhnak eye, puhlaik in tu na nuh ke ip yohk. Puhlaik, tiac insese, use isracsr srihsrihk ke ahkkweyelah luhn God. Puhlaik orwaclah ma nwacsnwacs moul ac kahto se ke ac nuhnkweyuck in tiac inseselac in misac ke puhlaik, tuhsruhk ke motkweyac se in moul fal. Ke kuht oraclah wo, kampare in moul oacna kuht enenuh uh, pwacyena kuht fah eis kahsruh sin Leum ac kuh in sokwack ahkkweye ke kahs Lal uh.”3
Lain ke Puhlaik
“Meac kalmeyac in kampare? Nga luhngse kalmeyac se inge: in lain ke puhlaik. Puhlaik kuh in enenweyuck sum kom in luhlahlfongi; ac fah ke kuhtuh pacl enenweyuck ke kom ahkos. Ma ingacn fah enenweyuck na pwacye ke kom kampare nuh ke lwen se ke kom fah som liki moul in mahno se inge.”4
Eis Puhlaik in Tu nuh ke Ma Pwacye
“Nga finsrak tuh in oasr puhlaik lom in tu kuh nuh ke ma pwacye ac suwohswohs. Ke srihpen mwet lahfwe luhn mwet mihsenge uh wacngihnlac liki ma yohk srihpac ac ip yohk Leum El use nuh sesr uh, apkuhran na kom in pahngonyuck in lain ma ma kom luhlahlfongi uh. Tuh fin pwelucng ke luhlahlfongi lom an tiac fokoko, ac fah upac nuh sum in lain ahkkoluk luhn mwet suc lain luhlahlfongi lom an. Ke oreklac fokoko uh, fahkwack luhlahlfongi lom ke wosasuc, ke Mwet Lahngo, ac ke Pahpah tuhmasr Lucng fah mokle ma nuh kwewa kom oruh ke moul lom uh.”5
Kuht Enenuh Puhlaik ke Ma luhn Nguhn ac Facluh
“Pweng uh ma ahkkahlwemyeyuck ke tifi, ke petsac, ac ke media sahyac [mihsenge] pa kwacna oasr ke ma lainyuck suwohs nuh ke ma ma kuht kena tuhlihk nahtuhsr uh in eis ac sekoi. Ma kunacsr in tiac lotwelos muhkwena in sruokyacna ma ke nguhn ac mwe luti uh tuh in oacyacpac kahsrwelos in oacna ingacn, macnsiskihn ma upac sahyac elos kuh in sun uh. Ma inge fah enenuh pacl ac kuh yohk ke ip lasr uh—ac in kuh in kahsruh mwet sahyac uh, kuht sifacna enenuh puhlaik luhn nguhn ac facluh in lain ma koluk kuht liye acn nuh kwewa uh.”6
Nga Finsrak Tuh Kuht in Puhlaik Pacl Nuh Kwewa
“Ke kuht moul ke lwen nuh kwewa uh, apkuhran na in sikyak lah luhlahlfongi lasr uh fah lainyuck. Kuhtuh pacl uh kuht suk kuhtyak sifacna rauniyucklac sin mwet sahyac uh tuhsruhk kuht oasr in ip ke ma suhpuhs kuh finne sifacna tu ke nuhnak lasr ma lwelahkihnyuck ac ma tiac uh. …
“Nga finsrak tuh kuht in puhlaik pacl nuh kwewa ac ahkolah in tu nuh ke ma kuht luhlahlfongi, ac kuht fin enenuh in muhkwena tu ke ohiyac uh, lwelah kuht in oruh ke puhlaik, ahkkweyeyuck ke etwacack lah ke ma pwacye uh kuht tiacna muhkwena ke kuht tu yurin Pahpah tuhmasr Inkuhsrao.”7
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/14. Ahkkweyeyucklac ke lweng: 1/14 Lwenglah luhn First Presidency Message, April 2015. Kosraean. 12584 868
Luti ke Pweng Se Inge
Kom ac kena in siyuck mwet kom luti an in nuhnkuh ke sie ohiyac sikyak ke wik fahsruh an—ke lohm ah, ke orekma ah, lohm lutlut ah, kuh lohm alu ah—ma enenuh elos in mukwikwi ke puhlaik. Elos sahp ac sun sie ma sahngweng, muhtwacnglah sie ma upac, tu na ke luhlahlfongi lalos, kuh sulaclah in ahkos sie ip yohk ke wosasuc ke kahlwem yohk. Solwaclos in akacsruhi nuhnak lalos an kuh suhmuhslah.