Ngeasek
Ng Sara er a kmong techang
A milluches a kiei er a Utah, USA.
Ng mle blechoel meringel er ngak lochotii a nger er ngak lultuil a kumerang el tekoi el mora kmal beot el ker el uai a “Ngera meng diak molim a kohi?” A ngara mong e ak blechoel longer el kmo “Ng kmal mechuached” malechub “Ng diak el soak a telemtemul.”
Ngera uchul me ak mle merur? Ngera uchul me a kmal mle medakt lochotii a kumerang er ngii? Sel kumes er siekid el taem, e ng diak kudengelii a blek medakt er ngii. Eng di ak kmal ungil medengelii a rirellak me ak mlo diak kumart a ikang lokiu a betok el omesodek.
A ta er a klebesei e ak ngar a English klass er a ngarbab el skuul, e a sensei a uluchais er kemam el kmo a ki mo omes a osongel el ngar a TV el kudengei el kmo ng diak el kirek lomes. Me tirka el ngalek er a skuul a ulutkeu el kmal mle sorir, e a ki mdak el klass el Sara a uldersii a chimal e ulengit el mo tuobed.
A sensei a uleker el kmo e ngerang, a Sarah a ulenger, “Ele ngak el Mormom meng diak kumes a osongel el ngarngii a mekngit el tekoi er a chelsel.”
A blekengel el mlo chemolt er a medal tial klass a meral mle smiich. Ng kmal mesaul a Sarah, ak dirrek el mlo dechor e ngarrikl el mengiil el mededaes a uldesuek el mo er a orokiolel tial osongel.
Tiaikid e ak di merkong el mla bult. Ak mocha omuchel el mesaod a kuumerang e bai diak chiis er a tekoi. Me sel mlukdubed er tial omeruul, e ak mlo klou a renguk e mlo mekudem el teloi er a omeruul el ngarngii er a Ikelesia me a skuul.
Ng dimlak a tang me kuuchais er a Sara er a okesiul el kmal mle klou a ultutelel el me er ngak, eng di ak melasem el mesuub er a okesiul el medengelii a rengul. Ak mla mo medengei el kmo a de chedal tial ungil, e chedaol Ikelesia er a Dios a diak a ngera el kired el merur er ngii. A kuureng omko ng sebechel, lokiu a okesiuk, e ak kuk mo Sara el mora kmong techang.